Jer reformasy jónindegi komissiianyń birinshi otyrysynda Májilis depýtaty Aidos Sarym jaiylym, shabyndyqqa qatysty zańnamaǵa kásibi taldaý jasaýdy usyndy, dep habarlaidy QazAqparat.
«Búgingi otyrysqa kelgen adamnyń kópshiligi birinshi Jer komissiiasynyń jumysyna qatysqan. Sol komissiianyń artyqshylyǵy men kemshiligin kórdik, tájiribe jinaqtaldy. Sondyqtan eń birinshi úlken usynys – sol Jer komissiiasynyń negizgi hattamasynda jasalǵan baǵyttar boiynsha ministrlik (Aýyl sharýashylyǵy ministrligi) esep daiyndasa. Tiis sheshimder qabyldandy nemese «myna usynystar nege qybyldanbady» degen esep bolýy kerek. Óitkeni atqarylǵan jumystyń nátijesi bolýy kerek qoi?!», - dedi depýtat.
Budan bólek Sarym aqparat pen kadastr máselesine toqtaldy.
«Ol da sózsiz kerek, sebebi senim bolmai, jer máselesinde eshqandai ózgeris jasalmaitynyn anyq kórip otyrmyz. Sonymen qatar, «aýyl sharýashylyǵy jerleri, jaiylym, shabyndyqqa qatysty nege zańdar men qabyldanǵan baptar jumys istemei jatyr» degen kásibi taldaý jasasaq. Kerek bolsa, aimaqtarǵa shyǵyp, el aralap, artyqshylyǵy men kemshiligin kózimizben kórip, osy týraly keshendi jańa zań jobasyn daiyndaityn múmkindik bolsa», - dedi depýtat.
