Qatań túrdegi alǵashqy karantinnen jáne ekinshisinen sabaq alýymyz qajet. Elimizde shekteý sharalaryn kezeń-kezeńimen alyp tastaýǵa qatysty saiasattanýshy Aidom Sarym osyndai pikir bildirdi, dep habarlaidy QazAqparat.
«Qazirgi ýaqytta qoǵam koronavirýs indetiniń qaýpin sezine bastady. Shilde aiynda jaǵdai ýshyǵa bastaǵandai bolyp, tipti sporttyq arenalarda aýrý juqtyryp alǵandarǵa arnalǵan tósek-oryn jabdyqtala bastady. Al qazirgi ýaqytta jaǵdai turaqtalyp, aýrý juqtyrǵandar men sonyń saldarynan kóz jumǵandar sany azaia bastady. Aýrýhananyń naýqastarmen tolyp qalmaýyn, dári-dármekpen, mamandarmen qamtamasyz etý jaǵyn turaqtandyrý qoldan keldi», - deidi saiasattanýshy Aidos Sarym.
Onyń aitýynsha, indetke qatysty ahýal budan ári qalai órbitinin eshkim boljap aita almaidy.
«Jaǵdai budan ári qalai bolaryn sirá, eshkim boljai almas. Ókpe jáne ózge de maýsymdyq aýrýlar órshitin kúz ben qysta ne bolaryn eshkim aita almaidy. Bilik qaiǵyly tájiribeden keiin bolýy kerek, «kúrdeli ahýalǵa daiyndyq» jóninde aityp jatyr. Jáne bul, menmendik pen bórkin aspanǵa atý kúnásynan, «výndervaffe» nemese «ǵajaiyp vaktsinaǵa» úmittenýden jaqsyraq. Koronavirýs ómirimizde únemi bolatynyn, erte me, kesh pe bárimiz aýyryp shyǵý kerek ekenimizdi túsingen shyǵarmyz. Endi barymyzdy alyp qalýǵa kúsh salýymyz kerek. Sanitarlyq shekteýler bolsa da orta jáne shaǵyn biznesti iske qosýǵa barynsha tyrysý qajet. Bisnes te budan bylai koronavirýs jaǵdaiyna beiimdele jumys isteidi. Iaǵni maska taǵý rejimin saqtap, antiseptikke shyǵyndanyp, jumysshylar men tutynýshylardyń qaýipsizdigin saqtaityn bolady«, - deidi Aidos Sarym.
Saiasattanýshy atap ótkendei, qatań túrdegi alǵashqy karantinnen jáne ekinshisinen sabaq alýymyz qajet.
«Karantin ár adam úshin fizikalyq jáne psihologiialyq turǵyda aýyr. Bul jaǵdai alaiaqtarǵa jol ashpaýy tiis. Barlyq ózekti jáne mańyzdy baǵyttar túrli qoǵamdyq jáne parlamenttik baqylaýlarmen qamtylýy kerek. Sońynda azamattarymyz ben biznestiń ómirin qiyndatqannan góri, birneshe komissiia quryp, sheneýnikterdiń ómirin qiyndatqan durysyraq. Memleket óz jumysyn barynsha ashyq, durys jasaýy qajet. Toi, baiqaý ótkizý siiaqty asa úlken ereje buzýshylyq bolmasa – aiyppul salý, tekserý júrgizý barysynda laýazymdy tulǵalar ár biznes sýbektisine barynsha adamgerlishikpen, túsinistikpen qaraǵany jón», - deidi ol.
Onyń aitýynsha, azamattardyń ózi jaýapkershilikti sezinip, kórshileri men aldynan shyqqan adamdardan jeke bas gigienasyn jáne sanitarlyq normalardy saqtaýdy talap etetindei qoǵamdyq pikir qalyptastyrýy kerek.
«Jaǵdaidy durys, naqty baǵalaityn kezeń keledi. Halyqty áleýmettik turǵyda ońaltý úshin ekonomikalyq modernizatsiianyń jańa modeli bolady», - deidi Aidos Sarym.
