Saiasattanýshy Aidos Sarym áleýmettik jelilerdiń róli jaiynda pikir bildirdi, dep habarlaidy QazAqparat.
«Internet burynnan bar, biraq áleýmettik jeli paida bolǵannan beri maqty sarapshylardyń bir renjitin, ókpe aitatyn jaǵdaiy bar. Jeke pikirime, tájiribeme toqtalsam, bul baǵytta biraz izdenip, zerttedim. Bolashaqta osy taqyrypta kitap jazǵym kelip júr. Qazirgi kezde áleýmettik jeliler óziniń bastapqyda negizin qalaýshylar, ideia avtorlary aitqan birde-bir maqsatyna jetpegen siiaqty. Birinshiden, áleýmettik jeli demokratiianyń quraly emes degen tezisti aita alamyn. Demokratiia degenimiz - ol eń aldymen protsedýra. Internet joq zamanda da revoliýtsiia, saiasat, partiialar boldy. Meniń oiymsha, bul másele tutynýshylyq zamanynda tereńirek siiaqty», - dedi A. Sarym Astana Media Week 2020 sharasy aiasyndaǵy seminar barysynda.
Osy oraida ol Qazaqstandaǵy áleýmettik jelide keide kúni-túni revoliýtsiia bolyp jatatynyn, adamdar túrli narazylyqtaryn bildiretinin aitty.
«Jaqsy múmkindik bola tura, áleýmettik jeliler eshqandai demokratiiany keremet qylǵan joq, ony kórip júrmiz», - dedi saiasattanýshy.
A. Sarymnyń paiymynsha, bizdiń qoǵamǵa teris áser etip otyrǵan qural – ol áleýmettik jeli. Áleýmettik jeli, eń aldymen, fakti degendi joiyp barady. Sebebi, pikirlerdiń alýandyǵy kóp. Sondyqtan áleýmettik jelige toqtalsaq, bizdiń minezimizge, qoǵamnyń minezine kórsetip jatqan úlken teris áseri bar ekenin de eskerýmiz kerek. Ózimizdiń kásipti óltiretin, kásibimizge qarsy shyǵatyn dúnielerden aýlaq bolý kerek, sonyń biri – áleýmettik jeli. Áleýmettik jeli arqyly aqparat taratýǵa, shyǵarǵan ónimdi taratýǵa bolady.
«Qoǵamymyz ydyramasyn, qoǵamymyz bir-birine oq atatyn dárejege jetpesin desek, onda toqtaý aityp, sabyrǵa shaqyratyn, aitatyn kezimiz kelgen siiaqty. Jýrnalistiń de, sarapshynyń da osyny qoǵamǵa aitýǵa quqy bar. Ol úshin izdenip, oilanyp kóreiikshi degen usynysymdy jetkizbekpin», - dedi saiasattanýshy.
Budan buryn habarlanǵandai, 11 qarashada elordada Astana Media Week 2020 sharasy bastalǵany habarlandy.
Is-sharanyń negizgi maqsaty – otandyq mediasalany damytý men indýstriiadaǵy iskerlik qarym-qatynasty aimaqtyq jáne halyqaralyq deńgeide ilgeriletý. Mediaaptalyq tórtinshi jyl qatarynan álemniń túkpir-túkpirinen jetekshi sarapshylardy dástúrli túrde jinap keledi jáne ózekti taqyryptar talqylanady.
