Foto ashyq derekkózden alyndy
WorldBoxingNews.net resýrsy qazaqstandyq Aidos Erbosynulynyń jekpe-jekten keiingi jaǵdaiy týraly aitty, - dep habarlaidy Massaget.kz portaly Tengri Sport saityna silteme jasap.
31 jastaǵy qazaqstandyq byltyr kýbalyq David Morrelmen jekpe-jekke shyqqan bolatyn.
"Erbosynuly jekpe-jekten keiin 12 kúndei medikamentozdyq komada jatty: dárigerler onyń miyna qan ketip qalmaýy úshin qolynan kelgenniń bárin jasady", - dep jazdy basylym.
Aidos Erbosynulyna operatsiia jasalǵan. Abyroi bolǵanda, ol úsh kúnnen keiin 17 qarashada oianǵan. Qazaqstandyq boksshy óz-ózine kelip, artynsha aýrýhananyń jansaqtaý bólimine jatqyzylǵan. Birneshe aptadan keiin Aidos úiine oralǵan.
"Sońǵy jekpe-jegimde elimniń úmitin aqtai almadym. Alǵash ret kásibi ringte jeńilistiń ashy dámin sezdim. Biraq ómir bolǵannan keiin jeńis te, jeńilis te qatar júretini sózsiz", - degen eken boksshy basylymǵa.
