فوتو اشىق دەرەككٶزدەن الىندى
WorldBoxingNews.net رەسۋرسى قازاقستاندىق ايدوس ەربوسىنۇلىنىڭ جەكپە-جەكتەن كەيٸنگٸ جاعدايى تۋرالى ايتتى, - دەپ حابارلايدى Massaget.kz پورتالى Tengri Sport سايتىنا سٸلتەمە جاساپ.
31 جاستاعى قازاقستاندىق بىلتىر كۋبالىق داۆيد موررەلمەن جەكپە-جەككە شىققان بولاتىن.
"ەربوسىنۇلى جەكپە-جەكتەن كەيٸن 12 كٷندەي مەديكامەنتوزدىق كومادا جاتتى: دەرٸگەرلەر ونىڭ ميىنا قان كەتٸپ قالماۋى ٷشٸن قولىنان كەلگەننٸڭ بەرٸن جاسادى", - دەپ جازدى باسىلىم.
ايدوس ەربوسىنۇلىنا وپەراتسييا جاسالعان. ابىروي بولعاندا, ول ٷش كٷننەن كەيٸن 17 قاراشادا ويانعان. قازاقستاندىق بوكسشى ٶز-ٶزٸنە كەلٸپ, ارتىنشا اۋرۋحانانىڭ جانساقتاۋ بٶلٸمٸنە جاتقىزىلعان. بٸرنەشە اپتادان كەيٸن ايدوس ٷيٸنە ورالعان.
"سوڭعى جەكپە-جەگٸمدە ەلٸمنٸڭ ٷمٸتٸن اقتاي المادىم. العاش رەت كەسٸبي رينگتە جەڭٸلٸستٸڭ اششى دەمٸن سەزدٸم. بٸراق ٶمٸر بولعاننان كەيٸن جەڭٸس تە, جەڭٸلٸس تە قاتار جٷرەتٸنٸ سٶزسٸز", - دەگەن ەكەن بوكسشى باسىلىمعا.
