Nur-Sultan qalasynda Qazaqstan Respýblikasy Qorǵanys ministri general-leitenant Nurlan Ermekbaevtyń qatysýymen Tuńǵysh Prezident kúni qarsańynda dástúrli túrde ótetin «Aibyn-2020» VI respýblikalyq áskeri-patriottyq jastar jiynynyń saltanatty jabylý rásimi ótti, – dep habarlaidy «Ult aqparat».
Beinebailanys arqyly Qazaqstannyń barlyq óńirinde onlain túrde kórsetilgen bul jiynǵa qatysýshylar tikelei efirden baqylaýǵa múmkindik aldy. Atalǵan is-sharaǵa qorǵanys ministri general-leitenant Nurlan Ermekbaev, Aqparat jáne qoǵamdyq damý ministri Aida Balaeva, Bilim jáne ǵylym vitse-ministri Sholpan Karinova, jeke synaqta jáne «Úzdik Jas sarbaz» atalymy boiynsha úzdik komanda kapitandary, jiynnyń jeńimpazdary qatysty.
«Men jeńimpazdardy quttyqtaimyn. Barlyq qatysýshylarǵa jeńiske degen umtylysy úshin alǵys bildiremin. Sizder bárińiz áskeri ispen tanysyp, armiia men Qarýly Kúshterdiń tarihy týraly bildińizder, jetistikterińizdi, bilimderińiz ben eptilikterińizdi kórsettińizder, jańa dostar taptyńyzdar, ózderińizdi synap kórdińizder», – dedi Nurlan Ermekbaev.
Respýblikalyq jiyn eki ai boiy ótti. Onlain-formatta 39 komanda jarysty. Jalpy qatysýshylar sany 585 adamdy qurady. Jiynnyń konkýrstaryna áskeri qoldanbaly sport túrleri, intellektýaldyq jáne shyǵarmashylyq jarystar kirdi.
Shyǵys Qazaqstan oblysynyń, Tyl jáne qarý-jaraq bastyǵy basqarmasynyń, sondai-aq Nur-Sultan qalasyndaǵy «Jas ulan» respýblikalyq mektebiniń komandalary óz atalymdarynda úzdik atandy. Tyl jáne qarý-jaraq bastyǵy basqarmasynyń «Saǵadat» komandasy jiynnyń absoliýtti Gran-pri jeńimpazy atandy.
«Jyl saiynǵy jiyn – bul biz úshin jańa tájiribe, jańa dostar, jańa áserler. Qashyqtyqtaǵy formatta ótýine qaramastan, konkýrs óte qyzyqty, ári tartymdy boldy. Bul jiyn bizdiń júregimizde Otanǵa degen súiispenshiliktiń otyn jaqty. Bizdi jyl saiyn óte joǵary deńgeide ótetin osyndai aýqymdy sharalarǵa qatysýǵa múmkindiktiń bolýy qýantady», - dep Shyǵys Qazaqstan oblysy «Jas qyran» komandasynyń kapitany Ajar Yqylasova óz áserimen bólisti.
Jeńimpaz komandalar kýboktarmen, medaldarmen, diplomdarmen jáne qundy syilyqtarmen marapattaldy. Ár konkýrsant qatysqany týraly sertifikat aldy.
Aita keteiik, Elordada Tuńǵysh Prezident kúni qarsańynda dástúrli túrde ótetin «Aibyn-2020» VI respýblikalyq áskeri-patriottyq jastar jiynynyń saltanatty jabylý rásimi ótti. Atalǵan is-sharaǵa qorǵanys ministri general-leitenant Nurlan Ermekbaev, Aqparat jáne qoǵamdyq damý ministri Aida Balaeva, Bilim jáne ǵylym vitse-ministri Sholpan Karinova, jeke synaqta jáne «Úzdik Jas sarbaz» atalymy boiynsha úzdik komanda kapitandary, jiynnyń jeńimpazdary qatysty.
