Aiazdy kúni úiindegi qudyǵy qatyp qalǵan almatylyq otbasy qardy eritip, ony qajettilikterin óteý úshin paidalanýǵa májbúr bolyp otyr, dep habarlaidy "Ult aqparat".
Almaty qalasynda jer úide turatyn Áliia esimdi kelinshek jaǵdaiynyń qiyndyǵyna nalyp, amalsyz jariiaǵa jar salyp otyr. Toǵyz balany tárbielep otyrǵan ol sýyq kúnde sýsyz qalǵandyqtan daladaǵy qardy shelektep tasyp, óz qajettilikterine jaratyp júrgenin aitady. Osyǵan qatysty áiel Instagram paraqshasynda birneshe jazba jariialaǵan-dy.
Tamaq daiyndaityn sýdy Áliia kórshilerinen alyp júr eken. Al basqa qajetteri úshin qardy eritip kún kórýde.
Áliianyń aitýynsha, ol jergilikti bilik ókilderine aiazdy kúngi álegi jaily habar bergen. Endi olardan kómek kútip otyr.
