Shyǵys Qazaqstannyń birneshe aýdanynda úskirik aiaz túsýine bailanysty mekteptegi sabaqtar toqtatyldy, dep habarlaidy "Ult aqparat".
Bilim basqarmasynyń málimetterine qaraǵanda, Kókpekti aýdanynda aiaz kúsheiip tur. Aýa temperatýrasy 34 gradýs nólden tómen bolǵan. Búgin bul jerde 1-11 synyp oqýshylaryna sabaq bolmaidy. Zyrian aýdanynda aiazǵa bailanysty birinshi aýysymdaǵy 1-9 synyptardyń sabaǵy toqtatyldy. Termometr baǵany Zyrianda -33 gradýsqa deiin tómendegen.
Qatonqaraǵai aýdanynda aýa temperatýrasy -31 gradýs bolǵandyqtan, birinshi aýysymnyń 1-4 synyptaryna sabaq bolmaidy. Sondai-aq, Kúrshim jáne Tarbaǵatai aýdandarynda da birinshi aýysymnyń sabaqtary toqtatylǵan.
