«Qazgidromet» RMK 12-14 qańtar aralyǵyndaǵy aýa raiy boljamyn usyndy, dep habarlaidy "Ult aqparat".
«Atalǵan kezeńniń basynda Atlantikalyq tsiklon eldiń basym bóligine jaýyn-shashyn ákeledi: soltústikte – jaiaý burqasyn, qar; batys pen ońtústikte – jańbyr, qar bolady.
Odan keiin eldiń basym bóligine Salehard aýdandarynan antitsiklon yǵysady. Osyǵan bailanysty, atalǵan kezeńniń sońyna qarai kún ashylyp, temperatýra tómendeidi dep kútilýde.
Alaida, respýblikanyń kei jerlerinde tuman, ekpindi jel, jaiaý burqasyn kútiledi. Ońtústikte, ońtústik-shyǵysta jáne batysta – kóktaiǵaq, ońtústik-batysta shańdy daýyl boljanady», - delingen sinoptikter aqparatynda.
