Qyzylorda oblysy Tóretam aýylynda avtobýs aialdamasynda turǵan úsh qyzǵa oq kezdeisoq tidi, dep habarlaidy Sputnik Qazaqstan.
"Keshe aýylda birneshe jas jigit arasynda janjal shyqqan. Olardyń biri aialdamanyń artyna jasyryndy. Janjalǵa qatysýshylardyń biri muny kórip, aialdamany kózdep oq atqan. Alaida kúdiktiniń oǵy qashqan jigitke emes, 9-10 synyptardyń úsh oqýshysyna tidi. Osy ýaqytta qyzdar aialdamada avtobýs kútip turǵan", - dedi agenttik derekkózi.
Politsiia kúdiktiler ustalǵanyn habarlady. Qaisysy oq atqany týraly áli habarlanǵan joq, biraq qatysýshylardyń árqaisysynyń is-áreketine quqyqtyq baǵa beriledi.
"Politseiler kúdiktilerdi izin sýytpai ustady, - dep habarlady Qyzylorda oblystyq politsiia departamenti. - Qazir adam óltirýge oqtalý faktisi boiynsha sotqa deiingi tergeý júrip jatyr. Saraptama taǵaiyndaldy, oqiǵanyń barlyq mán-jaiy anyqtalýda".
Keshe, 15 jeltoqsan keshki saǵat altyǵa jýyq Qyzylorda oblysy Qarmaqshy aýdany Tóretam kentinde avtobýs aialdamasynyń janynda qarý qoldanyldy. Jas jigitter arasyndaǵy janjal kesirinen kámeletke tolmaǵan úsh qyz jaraqat alyp, aýrýhanaǵa jatqyzyldy. Qazir zardap shekkenderdiń ómirine qaýip tónip tur.
