قىزىلوردا وبلىسى تٶرەتام اۋىلىندا اۆتوبۋس ايالداماسىندا تۇرعان ٷش قىزعا وق كەزدەيسوق تيدٸ, دەپ حابارلايدى Sputnik قازاقستان.
"كەشە اۋىلدا بٸرنەشە جاس جٸگٸت اراسىندا جانجال شىققان. ولاردىڭ بٸرٸ ايالدامانىڭ ارتىنا جاسىرىندى. جانجالعا قاتىسۋشىلاردىڭ بٸرٸ مۇنى كٶرٸپ, ايالدامانى كٶزدەپ وق اتقان. الايدا كٷدٸكتٸنٸڭ وعى قاشقان جٸگٸتكە ەمەس, 9-10 سىنىپتاردىڭ ٷش وقۋشىسىنا تيدٸ. وسى ۋاقىتتا قىزدار ايالدامادا اۆتوبۋس كٷتٸپ تۇرعان", - دەدٸ اگەنتتٸك دەرەككٶزٸ.
پوليتسييا كٷدٸكتٸلەر ۇستالعانىن حابارلادى. قايسىسى وق اتقانى تۋرالى ەلٸ حابارلانعان جوق, بٸراق قاتىسۋشىلاردىڭ ەرقايسىسىنىڭ ٸس-ەرەكەتٸنە قۇقىقتىق باعا بەرٸلەدٸ.
"پوليتسەيلەر كٷدٸكتٸلەردٸ ٸزٸن سۋىتپاي ۇستادى, - دەپ حابارلادى قىزىلوردا وبلىستىق پوليتسييا دەپارتامەنتٸ. - قازٸر ادام ٶلتٸرۋگە وقتالۋ فاكتٸسٸ بويىنشا سوتقا دەيٸنگٸ تەرگەۋ جٷرٸپ جاتىر. ساراپتاما تاعايىندالدى, وقيعانىڭ بارلىق مەن-جايى انىقتالۋدا".
كەشە, 15 جەلتوقسان كەشكٸ ساعات التىعا جۋىق قىزىلوردا وبلىسى قارماقشى اۋدانى تٶرەتام كەنتٸندە اۆتوبۋس ايالداماسىنىڭ جانىندا قارۋ قولدانىلدى. جاس جٸگٸتتەر اراسىنداعى جانجال كەسٸرٸنەن كەمەلەتكە تولماعان ٷش قىز جاراقات الىپ, اۋرۋحاناعا جاتقىزىلدى. قازٸر زارداپ شەككەندەردٸڭ ٶمٸرٸنە قاۋٸپ تٶنٸپ تۇر.
