Shyǵys Qazaqstan oblysyndaǵy Aiagóz ózeninde balyq qyryldy, dep habarlaidy "Ult aqparat".
ShQO Orman sharýashylyǵy jáne janýarlar dúniesi inspektsiiasynyń málimetine súiensek, Aiagóz aýdany Tarbaǵatai aýylynyń mańyndaǵy ózende balyq qyrylǵan. Osyǵan orai Balyq sharýashylyǵy bólimi sý qoimasyna baryp zertteý júrgizdi.
Sondai-aq sharaǵa «Balyq sharýashylyǵy ǵylymi-óndiristik ortalyǵy» JShS Altai aýdandyq filialynyń, ShQO Tabiǵi resýrstar jáne tabiǵat paidalanýdy retteý basqarmasynyń, «Semei ormany» tabiǵi rezervatynyń ókilderi qatysqan.
«Sonyń nátijesinde 200 keli ár túrli balyq (Balqash kókbasy, osman, torta, taraq t.b) qyryldy. Onyń ishinde 70 paiyzy – torta, qalǵany basqa balyqtar. Óli balyqtar shamamen 10 sharshy metr aýmaqta anyqtalǵan. Ózen deńgeiiniń kúrt tómendeýi sýdaǵy otteginiń tómendeýine ákelip soqqan kórinedi. Naqty sebebin anyqtaý úshin tiisti synamalar alyndy», - delingen habarlamada.
Aita keteiik, komissiia músheleriniń jáne Tarbaǵatai aýylynyń eriktileriniń qatysýymen óli balyqtardy ýtilizatsiialaý jumystary júrgizildi.
