Mecenat.kz uiymdastyrǵan úzdik qazaqstandyq roman baiqaýy máresine jetti. Biyl Sharhan Qazyǵuldyń "Kúlpet" romany úzdik dep tanyldy, dep habarlaidy Massaget.kz portaly.
"Kúlpet romany boiynsha saitta 1024 oqyrman tirkelgen, olardyń ishinde nátijeli, eshqandai kúdik týdyrmaityn 566 daýys jinaldy. Sońynda tek nátijeli daýystar ǵana esepke alyndy, iaǵni ózin jáne daýys berý deregin rastaǵan oqyrmannyń ǵana daýysy sanaldy. Osy jumystyń nátijesinde biz rastalǵan kóp daýysty jinaǵan jeńimpazdy jariialaimyz. Biyl úzdik roman retinde «Kúlpet» romany ataldy. Avtordy jeńisimen quttyqtaimyz. Biz jaqyn arada onymen, sondai-aq saltanatty is-sharaǵa qatysýǵa shaqyrý úshin kóp daýys jinaǵan basqa da finalistermen habarlasamyz", - delingen resmi habarlamada.
Syilyq týraly
Jyl saiyn dástúrli túrde ótetin baiqaý jeńimpazdarynyń ai saiyn jeke esep-shotyna 500 dollar kóleminde renta túsip turady. Bul syiaqy - kólemi jaǵynan álem boiynsha 5-shi orynda.
Ony Qazaqstan azamattary, el patriottary jáne kásipqoi ádebietshiler toby qurǵan.
Roman týraly
Romanda negizgi keiipker – Ábýjan. Aral óńirindegi Erden jylqyshynyń jalǵyz uly. Ákesi "meniń jolymdy qýam dep quryq ustaýǵa áýes bolmai-aq qoi. Qazirgi zaman oqyǵannyń zamany" dep, balasyn oqytyp-shoqytýǵa kúsh salady. Ábýjan Aqtóbe meditsinalyq institýtyn bitirip, jumysqa kirisken tusta eriksiz Aýǵanǵa ásker qataryna alynatyndardyń tizimine kirgizilip, soǵysqa attanady. Soǵystan keiin de elge qaita almai amalsyz Amerikadan biraq shyǵady. Osylaisha bas keiipker eline 37 jyldan soń biraq oralady.
Aita keteiik, Sharhan Qazyǵul – qazirgi qazaq jýrnalistikasynda ózindik stilimen erekshelenetin tanymal tulǵalardyń biri. "Nur Astana" jáne "Aiqara" respýblikalyq basylymdary men "Qogam.kz" portaly siiaqty jobalardy júzege asyrǵan jýrnalist – birneshe pýblitsistikalyq kitaptyń avtory. Buqaralyq aqparat quraldarynyń barlyq túrinde ózin tanyta bilgen. Sonymen qatar, PR-maman retinde de qyzmet etti. Ol QR Prezidenti, QR Úkimeti jáne "QazMunaiGaz" ulttyq kompaniiasy Baspasóz qyzmetterinde uzaq jyldar boiy jemisti eńbek etti. Halyqaralyq Aqparattandyrý akademiiasynyń akademigi Sharhan Qazyǵul L.N.Gýmilev atyndaǵy Eýraziia Ulttyq ýniversitetiniń jýrnalistika jáne saiasattaný fakýltetinde stýdentterge dáris berdi.
