Ishki ister ministri Erlan Turǵymbaevtyń málimdeýinshe, avtojoldardaǵy jaǵdai kúrdeli kúiinde qalyp otyr. Qazaqstannyń 10 oblysynda kúrdeli meteorologiialyq jaǵdai saqtalýda, - dep habarlaidy ministrliktiń baspasóz qyzmeti.
Ishki ister ministri aýa raiynyń qolaisyzdyǵyna bailanysty turǵyndarǵa jolǵa shyǵý josparyn keiinge shegere turyp, joldyń ashyq nemese jabyq ekenin baqylap otyrýdy suraidy. Ásirese, elordada jaǵdai kúrdeli. Jýyq arada jel kúsheiip, aiaz bastalady jáne aýa temperatýrasy tómendeidi dep kútilýde.
«Evakýatsiialyq-qutqarý jumystaryna shamamen 2 myńdai politsiia qyzmetkeri, tótenshe jaǵdai jáne Ulttyq ulan áskeri qyzmetkerleri tartyldy. Jolda júrýde joǵary múmkindigi bar 700-den astam arnaiy tehnika jumyldyrylǵan. Jumystyń bári aýa raiynyń qiyn jaǵdaiynda júrgizilip jatyr. Sondyqtan azamattar óz qaýipsizdigi úshin eldimekender arasyndaǵy joldarmen júrýden aýlaq bolýy kerek. Mundai jaǵdaida «ózimbilemdik» qaiǵyly jaǵdaiǵa ákelip soǵýy múmkin», - deidi Erlan Turǵymbaev.
Habarlanyp otyrǵandai, 26-27 qańtarda qabyldanǵan sharalardyń arqasynda 2 myńnan astam adam qutqarylyp, qaýipsiz jerge evakýatsiialanǵan. Olardyń ishinde júzge jýyq bala bar.
Qar qursaýynan 1400-ge jýyq tehnika qutqaryldy. Aita keterligi, jekelegen júrgizýshiler beketterdi ainalyp ótip, óz ómirimen birge jolaýshylarǵa da qaýip tóndirgen.
«Tótenshe jaǵdaidyń aldyn alý úshin Ishki ister ministrligi azamattarǵa eskertý habarlamalaryn eskerip, ishki ister organdary men tótenshe jaǵdai qyzmetkerleriniń nusqaýyn oryndaýǵa keńes beredi», - dedi Ishki ister ministri.
Jergilikti atqarýshy organdarǵa qajet bolǵan jaǵdaida evakýatsiialaý pýnktileri men jylý-elektr pýnktilerin ornalastyrý jóninde sharalar qabyldaý usynylady.
Qazirgi ýaqytta qutqarý jumystary jalǵasýda. Jol jabylǵany týraly aqparat ár 2 saǵat saiyn jańartylyp otyrady.
