Qazaqstanda tótenshe jaǵdai jariialanǵaly beri egov.kz portaly arqyly 4 306 avtomobil onlain túrde tirkeldi. Bul týraly «Azamattarǵa arnalǵan úkimet» memlekettik korporatsiiasynan málim etti, dep habarlaidy "Ult aqparat".
26 naýryzdan bastap elimizde Halyqqa qyzmet kórsetý ortalyqtary men mamandandyrylǵan HQO-lar jumysyn toqtatty.
Azamattar memlekettik qyzmetterdi tek Elektrondyq úkimet portalynda ala alady.
«Mamandandyrylǵan HQO-lar jabylǵannan keiin azamattar arasynda portal arqyly kólik quraldaryn qaita tirkeý qyzmeti suranysqa ie bolmaidy dep boljaǵan edik. Sebebi áli de kóbisi kólikti avtoHQO-da tirkeýdi jón kóredi. Biraq statistika kórsetkendei, qazaqstandyqtar tótenshe jaǵdai kezinde de kólik satyp alyp, ony ózdiginen qaita tirkeýge qoia alady», – dedi «Azamattarǵa arnalǵan úkimet» memlekettik korporatsiiasynyń basqarma tóraǵasy Ásemgúl Baltasheva.
Kólikterdi qaita tirkeý qyzmeti egov.kz portalynda «Kólik jáne kommýnikatsiialar» bóliminde qoljetimdi. Ony onlain rejiminde alý úshin satýshy ETsQ-ny paidalanyp, egov.kz portalyna kiredi. Satylatyn kólik týraly aqparatty engizip, aiyppuldar men salyqtar boiynsha bereshekti tekserýge suranys jiberedi. Eger qaryz bar bolsa, ony elektrondyq úkimet portaly arqyly tólep, ótinishke ETsQ-men qol qoiady. Osydan keiin satyp alýshy Elektrondyq úkimet portalyndaǵy jeke kabinetinde ótinishpen tanysa alady. Onda aiyppuldardy tekserip bolǵannan keiin memlekettik nómir jáne tehpasport úshin tiisti alymdar men tirkeý jarnasyn tóleýi tiis. Satyp alýshy mámileni óziniń elektrondyq tsifrlyq qoltańbasymen rastaidy. Keiin avtoHQO-ǵa tek daiyn bolǵan nómir men tehnikalyq tólqujatty alyp ketý úshin barady.
