«Azamattarǵa arnalǵan úkimet» memlekettik korporatsiiasy QR IIM jáne «Ulttyq aqparattyq tehnologiialar» AQ-men birlesip, elektrondyq úkimet portalynda jańa servisti pilottik rejimde iske qosty. Endi qazaqstandyqtar avtokólikterin onlain tártipte tirkei alady.
Eger azamattyń elektrondyq-tsifrlyq qoltańbasy bolsa, mamandandyrylǵan halyqqa qyzmet kórsetý ortalyǵy nemese IIM tirkeý-emtihan bólimshelerine barmai-aq,avtokólikterin elektrondyq úkimet portalynda rásimdei alady.
«Bul - vedomstvoaralyq komissiianyń memlekettik qyzmetterdi ońtailandyrý jumystaryn júrgizý barysynda júzege asyrylyp otyr. Avtokólikterdi tirkeý qyzmetine degen suranys qarqyndy túrde ósip kele jatqandyqtan, «Azamattarǵa arnalǵan úkimet» memlekettik korporatsiiasy ókilderi bul qyzmetti elektrondyq nusqaǵa aýystyrý týraly usynys jasady. Bul jańashyldyq qyzmet alýshylardyń ýaqytyn únemdep qana qoimai, sondai-aq mamandandyrylǵan HQO-daǵy júktemeni azaitýǵa múmkindik beredi.», - dedi «Azamattarǵa arnalǵan úkimet» memlekettik korporatsiiasy Almaty qalasy filialynyń direktory Dastan Djanteliev.
Portal arqyly ótinim bergende, eshqandai qujattyń skan-nusqasyn usynýdyń qajeti joq, sebebi qajetti málimetterdiń barlyǵy aqparattyq júieler arqyly alynady.
Buǵan deiin kólikti satýshy men satyp alýshy ótinim berý úshin bir ýaqytta «Azamattarǵa arnalǵan úkimettiń» front-ofisine baryp, qajetti qujattardy tapsyrýy tiis edi. Endi azamattar ótinimdi úiden shyqpai-aq, onlain tártipte joldai alady.
Qyzmetti onlain alý úshin egov.kz portalynda avtorizatsiiadan ótip, satylatyn kólik jaily aqparatty engizip, aiyppuldar men salyq tólemderin, tehnikalyq jaǵdaiyntekserýge suranys joldaý kerek. Eger qaryzdar bolsa, elektrondyq portal arqyly óteýge bolady. Munan keiin avtokólikti satyp alýshy azamat elektrondyq úkimet portalyndaǵy jeke kabineti arqyly satýshy qaldyrǵan ótinimmen tanysyp, aiyppuldardy teksergennen keiin nómir belgisine, kólik quralyn tirkeýge jáne tirkeý týraly kýálikke tólem jasai alady. Satyp alýshy óziniń ETsQ-men smart-kelisimdi rastaǵan soń mamandandyrylǵan HQO-ǵa nómir belgisin alyp ketý úshin ǵana keledi. Sondai-aq nómirdi úige jetkizý qyzmetine de tapsyrys berýge bolady.
Eske sala keteiik, biylǵy mamyr aiynan bastap QR IIM avtokólikti tirkeý kezindegi salystyrýdy alyp tastaǵan bolatyn. Endi esepten shyǵarý nemese kólikti tirkeý kezinde nómirlik agregatty teksertýdiń qajeti joq. Mundai talap tek kólikti alǵashqy ret tirkegende qoiylady.
Sondai-aq júrgizýshi kýáliginiń merzimi ótkenge deiin aýystyrý nemese joǵaltyp alǵan jaǵdaida meditsinalyq tekseristen ótýdiń jáne psihiatr, narkologtan anyqtama ákelýdiń qajeti joq. Al azamattyń ETsQ-sy bolsa, júrgizýshi kýáligin elektrondyq úkimet portaly arqyly onlain tártipte aýystyrýǵa bolady.
