Almatyda avtobýsta maskasyz otyrǵany úshin eskertý alǵan qyz ashýǵa boi aldyrdy, dep habarlaidy "Ult aqparat".
Politsiia qoǵamdyq kólikterdegi karantin sharalaryn buzý derekterin baqylaýǵa aldy.
Bul video áleýmettik jelide jariialandy.
Maskasyz otyrǵan úshin qyzǵa avtobýs jolaýshylary, júrgizýshisi eskertý jasaǵan. Ózin beinekameraǵa túsire bastaǵanda qyz ashýlanyp bylapyt sóz aityp, telefondy laqtyrǵan.
Jergilikti politsiia qyzmeti basqarmasy tekserý júrgizdi, onyń barysynda qyzdyń kim ekendigi anyqtaldy.
«Zańǵa sáikes shara qoldaný úshin ol politsiiaǵa jetkizildi. Bul 22 jastaǵy Alataý aýdanynyń turǵyny bolyp shyqty. Oǵan birden eki ákimshilik is qozǵaldy. QR ÁQbK-niń 425 baby «Halyqtyń sanitarlyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normalardy buzý» boiynsha 83 myń teńge kóleminde aiyppul salyndy (30 AEK). Sonymen qatar, QR ÁQbK-niń 434 baby – usaq buzaqylyq boiynsha materialdar sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna jiberiledi», – dedi Almaty qalalyq PD jergilikti politsiia qyzmeti basqarmasynyń bastyǵy Manap Sattarov.
