الماتىدا اۆتوبۋستا ماسكاسىز وتىرعانى ٷشٸن ەسكەرتۋ العان قىز اشۋعا بوي الدىردى, دەپ حابارلايدى "ۇلت اقپارات".
پوليتسييا قوعامدىق كٶلٸكتەردەگٸ كارانتين شارالارىن بۇزۋ دەرەكتەرٸن باقىلاۋعا الدى.
بۇل ۆيدەو ەلەۋمەتتٸك جەلٸدە جارييالاندى.
ماسكاسىز وتىرعان ٷشٸن قىزعا اۆتوبۋس جولاۋشىلارى, جٷرگٸزۋشٸسٸ ەسكەرتۋ جاساعان. ٶزٸن بەينەكامەراعا تٷسٸرە باستاعاندا قىز اشۋلانىپ بىلاپىت سٶز ايتىپ, تەلەفوندى لاقتىرعان.
جەرگٸلٸكتٸ پوليتسييا قىزمەتٸ باسقارماسى تەكسەرۋ جٷرگٸزدٸ, ونىڭ بارىسىندا قىزدىڭ كٸم ەكەندٸگٸ انىقتالدى.
«زاڭعا سەيكەس شارا قولدانۋ ٷشٸن ول پوليتسيياعا جەتكٸزٸلدٸ. بۇل 22 جاستاعى الاتاۋ اۋدانىنىڭ تۇرعىنى بولىپ شىقتى. وعان بٸردەن ەكٸ ەكٸمشٸلٸك ٸس قوزعالدى. قر ەقبك-نٸڭ 425 بابى «حالىقتىڭ سانيتارلىق-ەپيدەميولوگييالىق سالاۋاتتىلىعى سالاسىنداعى زاڭناما تالاپتارىن, سونداي-اق گيگيەنالىق نورمالاردى بۇزۋ» بويىنشا 83 مىڭ تەڭگە كٶلەمٸندە ايىپپۇل سالىندى (30 اەك). سونىمەن قاتار, قر ەقبك-نٸڭ 434 بابى – ۇساق بۇزاقىلىق بويىنشا ماتەريالدار شەشٸم قابىلداۋ ٷشٸن الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتىنا جٸبەرٸلەدٸ», – دەدٸ الماتى قالالىق پد جەرگٸلٸكتٸ پوليتسييا قىزمەتٸ باسقارماسىنىڭ باستىعى ماناپ ساتتاروۆ.
