QR Premer-Ministri Asqar Maminniń tóraǵalyǵymen ótken Úkimet otyrysynda elimizdiń 2019 jylǵy qańtar-qazan ailaryndaǵy áleýmettik-ekonomikalyq damýynyń jáne respýblikalyq biýdjettiń oryndalýynyń qorytyndylary qaraldy. 10 aidaǵy energetika kesheniniń damý nátijeleri týraly energetika birinshi vitse-ministri Mahambet Dosmuhambetov baiandady, dep habarlaidy "Ult aqparat" primeminister.kz saityna silteme jasap.
Energetika ministrliginiń derekteri boiynsha, osy jylǵy 10 ai qorytyndysy boiynsha munai jáne kondensat óndirý kólemi 74,8 mln tonnany qurady. Bul 2018 jyldyń sáikes kezeńimen salystyrǵanda 0,3% artyq nemese osy jylǵy 10 aiynyń josparyna 102% qurady.
«Biyl úsh iri munai-gaz jobasynda kúrdeli jóndeý jumystary sátti aiaqtaldy: Qashaǵanda kúrdeli jóndeý jumystary jospardan 15 kún buryn aiaqtalǵan; Teńizde – 3 kún buryn aiaqtaldy, Qarashyǵanaqta jóndeý jumystary 2019 jylǵy 15 qyrkúiekten 13 qazan aralyǵynda ótkizildi. Negizgi óndirister toqtatylǵanyna qaramastan, osy jobalardaǵy óndirý qarqyny jospardan asa oryndalýda», — dedi birinshi vitse-ministr.
Osy jyldyń 10 aiy ishinde Qashaǵanda 11,5 mln tonna munai óndirildi, bul 2018 jyldyń uqsas kezeńine 7,4 % ósim kórsetýde jáne jospardan 6,4% artty. Teńizde 24,6 mln tonna munai óndirildi. Bul 2018 jyldyń uqsas kezeńine 5,1% jáne jospardan 2,5%-ǵa ósim kórsetip otyr. Qarashyǵanaqta 9,1 mln tonna munai óndirildi, bul 2018 jyldyń uqsas kezeńine 9% tómen, biraq jospardan 2,2%-ǵa joǵary.
M. Dosmuhambetov atap ótkendei, osyndai óndirý qarqynyn eskere otyryp, Ministrlik respýblikada jyldyq óndirý kólemi 90,5 mln tonnaǵa deiin kóteriledi dep boljaidy. 2018 jyldyń 90,4 mln tonna kólemindegi nátijesin artýǵa múmkindigi bar.
«Osy jyldyń 10 aiy ishinde gaz óndirý kólemi 46,3 mlrd tekshe metrdi qurady. Bul 2018 jyldyń uqsas kezeńine 1,5% ósim kórsetip otyr. Jyl basynan beri 10 aiy ishinde munai óńdeý kólemi 14,17 mln tonnany qurady. Bul 2018 jyldyń uqsas kezeńine 5% ósim kórsetip otyr. Biraq 10 aidyń josparynan 1,2% tómen. Bul rette, 2019 jyldyń jospary 17 mln tonna, boljam 17,1 mln tonnaǵa deiin kóterildi», — dedi ol.
Negizgi munai ónimderi – benzin, dizel otynyn, áýe otynyn jáne mazýt boiynsha óndirý kólemi 10,5 mln tonnany kurap otyr. Bul 2018 jyldyń uqsas kezeńine 10,2% astam ósim kórsetip otyr. Avtobenzin óndirý kólemi 3,6 mln tonnany qurady nemese 2018 jyldyń uqsas kezeńine 112,5% ósýde.
«Avtobenzin óndirý kólemi elimizdiń ishki tutynýyn tolyq qamtamasyz etedi. Osy jyly shilde aiynan bastap avtobenzin eksporty bastaldy, eksport kólemi 42,6 myń tonnany qurady. Jalpy, munai ónimderi naryǵynda jaǵdai turaqty. Janar-jaǵarmai tapshylyǵy baiqalmaidy», — dedi birinshi energetika vitse-ministri.
Biylǵy 11 qarashadaǵy jaǵdai boiynsha, Qazaqstanda Ai-92 markaly benzinniń bólshek saýda baǵasy – 148,5 teńgeni quraidy.
Áýe otynyn óndirý kólemi 524,5 myń tonnany nemese 2018 jyldyń uqsas kezeńine 182% qurap otyr. Dizel otyny 4,1 mln tonna óndirildi nemese 2018 jyldyń uqsas kezeńine 108,1% kórsetip otyr. Biylǵy 11 qarashadaǵy jaǵdai boiynsha, Qazaqstanda jazǵy dizel otynyna bólshek saýda baǵasy 193 teńgeni quraidy.
11 qarasha jaǵdaiy boiynsha elimizdiń ishki naryǵynda janar-jaǵarmai qaldyqtardyń qory: Ai-92 benziny – 185,2 myń tonna, dizel otyny – 133,1 myń tonna qurap otyr.
Dizel otynyn jetkizý grafigi boiynsha aýyl sharýashylyǵy taýar óndirýshilerine 394 myń tonna, onyń ishinde 8 qarasha kúnine – 366,5 myń tonna nemese 92,8% tiep-jóneltildi.
Taýarlyq gaz óndirý kólemi 27,12 mlrd tekshe metrdi qurap otyr. Bul 2018 jyldyń uqsas kezeńine 98,6% kórsetip otyr. Taýarlyq gazdy ishki tutyný kólemi 11,8 mlrd tekshe m qurap, 2018 jyldyń uqsas kezeńimen salystyrǵanda 3%-ǵa ósim kórsetti. Gaz eksporty 15,3 mlrd tekshe metr, nemese 2018 jyldyń uqsas kezeńine 91,1% qurap otyr.
Elektr energiiasyn óndirý 85,9 mlrd kVt.saǵ nemese 2018 jyldyń uqsas kezeńine 98,1% qurady. Elektr energiiasyn óndirý sektorynda aǵymdaǵy jyldyń 10 aiy ishinde qýaty 402 MVt bolatyn 14 jańartylatyn elektr energiiasy obektisi iske qosyldy. Jyldyń sońyna deiin qýaty 104,8 MVt jańadan 4 jańartylatyn elektr energiiasy obektisi iske qosylatyn bolady.
«JEK elektr energiiasyn óndirý kólemi aǵymdaǵy jyldyń 10 aiy ishinde 1,7 mlrd kVt/saǵ qurady, 2018 jyldyń uqsas kezeńine qaraǵanda 65%-ǵa ósim kórsetti. Elektr energiiasyn óndirý kólemindegi JEK úlesi 2%. Jalpy, respýblika boiynsha 2018 jylmen salystyrǵanda JEK obektileriniń sany 2019 jyly 20 obektige artty: 67-den 87-ge deiin, JEK obektileriniń jiyntyq qýaty 1,9 ese artty: 2018 jylǵy 537 MVt-tan 2019 jyly 1042 MVt-qa deiin», — dedi birinshi vitse-ministr.
Ýran óndirý kólemi shamamen 18,7 myń tonnany qurap, 2018 jyldyń uqsas kezeńine qaraǵanda 5%-ǵa nemese aǵymdaǵy jylǵy 10 ai josparyna 0,8%-ǵa ósim kórsetti.
