Avstriianyń jańa kantsleri qyzmetine buǵan deiin eldiń Syrtqy ister ministrligin basqarǵan diplomat Aleksander Shallenberg taǵaiyndalady. 10 qazan keshinde Avstriia prezidenti Aleksander Van der Bellen tilshiler aldynda sóilegen sózinde 11 qazanda Shallenbergten ant qabyldaitynyn qýattady, dep habarlaidy QazAqparat dw.com-ǵa silteme jasap.
«Úkimettik daǵdarys aiaqtaldy. Elimiz igiligine baǵyttalǵan jumysty jalǵastyrýǵa bolady», - dep málimdedi Avstriianyń memleket basshysy.
Van der Bellenniń aitýynsha, ol Shallenbergpen, sonda i-aq Avstriianyń vitse-kantsleri Verner Koglermen sóileskeninde, olar prezidentti «bolashaq birlesken jumystyń (Avstriia úkimetinde – red.) berik irgetasy bar ekenine» sendirgen.
Zańger, kásibi diplomat Aleksandr Shallenberg 52 jasta, ol birneshe shetel tilin meńgergen. Ol Avstriianyń burynǵy kantsleri Kýrtstyń baǵytyn, ásirese kóshi-qon problemalaryna qatysty ustanymyn qoldaidy dep habarlanady.
Óz sózinde Aleksander Van der Bellen Shallenbergpen birge Avstriianyń jańa Syrtqy ister ministri de ant qabyldaitynyn aitty. Alaida onyń esimin ataǵan joq.
