Eýropanyń birqatar eli elge keletin týristerge qatysty shekteý sharalaryn engizip jatyr, dep habarlaidy "Ult aqparat" VAK jumysy týraly Telegram kanalǵa silteme jasap.
Avstriia biligi elge týrizm maqsatynda kelgenderge mindetti karantin engizdi. Shara 7 jeltoqsannan 10 qańtarǵa deiin qoldanylady. Sonymen birge, elde lokdaýn sharttary birtindep jeńildetilýde. Atap aitqanda, 7 jeltoqsannan bastap mektepter, azyq-túlikten basqa zattardy satatyn dúkender men shashtarazdar ashylady. Sonymen qatar, 7 qańtarǵa deiin meiramhanalar, kafeler, qonaq úiler, sondai-aq sport, mádeni jáne demalys oryndary jabyq bolady. Shańǵy tebý men basqa da ashyq aýada ainalysatyn sport túrlerine 24 jeltoqsannan bastap ruqsat etilmek.
Italiiada taý shańǵysy kýrorttary qańtar aiynyń ortasyna deiin ashylmaidy. Rojdestvo men jańa jyl merekeleri kezinde el óńirleri arasynda qozǵalys qatań shekteledi. Jeltoqsan aiynyń sońyna deiin memlekettiń basym bóliginde saǵat keshki 21:00-den bastalatyn komendanttyq saǵat saqtalady. Biraq meiramhanalarǵa ǵimarat ishinde qyzmet kórsetýlerine ruqsat berildi.
Germaniia aýrýhanalarynyń reanimatsiialyq bólimshelerinde orta eseppen úsh oryn ǵana bos. Nemis Anesteziologiia jáne qarqyndy meditsina qaýymdastyǵynyń mamandary pandemiiaǵa bailanysty reanimatsiialyq bólimshelerge shamadan tys júkteme qaýpi artyp keletinin aitýda. «Biz qarqyndy meditsina tarihynda áli kezdestirmegen erekshe aýyr jaǵdaiǵa tap boldyq», - dedi uiymnyń ókili Gernot Marks.
Latviia tótenshe jaǵdai rejimin 11 qańtarǵa deiin uzartty. 3 jeltoqsannan bastap elde «2+2» degen atpen belgili ereje engizildi - 2 metr qashyqtyqty saqtai otyryp, qoǵamdyq oryndarda eki adamnan artyq kezdesýlerge tiym salyndy. Saýda ortalyqtary demalys kúnderi jumys istemeidi, betperde taǵý kez-kelgen qoǵamdyq oryndarda, onyń ishinde mektepterde taǵýyp júrý mindetteldi. Latviia Premer-ministri eldegi jaǵdaidy óte aýyr dep atady.
