Ánshi Móldir Áýelbekova sotqa bergen jelidegi oqyrmanyn keshirdi. Bul týraly Móldir Áýelbekova Instagram-paraqshasynda jazdy, - dep habarlaidy Tengrinews.kz.
Ol óner adamy bolǵan soń ózine aitylatyn túrli sózge "qoishy, qoishy" dep, "qoishyǵa" salyp kele jatqanyna 18 jyl bolǵanyn aitty. Ol jaǵymsyz jazylǵan bylai tursyn, tym aýyr sózder aitylatyn jaǵdailar bolatynyn da jazdy.
"Bul joly basqasha bolsyn dep sheshtim. Sebebi pikir bildirýshi Rita hanym meniń jeke basymnan bólek kópshilikke topyraq shashyp otyr. Esesine, men sotqa berip, advokatqa júgingenimdi bilesizder. Protsess bastalyp ketken. Endi, jaýaby ol áiel úshin tym aýyr bolatynyn estip, kóp oilandym. Kúnásin bilemiz, al táýbesin bilýshi Alla ǵana ǵoi. Keshirim surady...
Múmkin, shynymen, táýbesine kelgen shyǵar?!? Tilge tiek degen bar. Aýyzdan sóz shyǵarmas buryn oilanǵan abzal. Qyz ósirip otyrsyz! Dál sol ósirip otyrǵan qyzyńyzǵa nemese nemereńizge menikindei taǵdyr jazylmasyna kepildigińiz joq! Adamnyń emes Allanyń jazasy aýyr bolady! Sál oilanyp sóileiik!" - dedi ánshi.
