ەنشٸ مٶلدٸر ەۋەلبەكوۆا سوتقا بەرگەن جەلٸدەگٸ وقىرمانىن كەشٸردٸ. بۇل تۋرالى مٶلدٸر ەۋەلبەكوۆا Instagram-پاراقشاسىندا جازدى, - دەپ حابارلايدى Tengrinews.kz.
ول ٶنەر ادامى بولعان سوڭ ٶزٸنە ايتىلاتىن تٷرلٸ سٶزگە "قويشى, قويشى" دەپ, "قويشىعا" سالىپ كەلە جاتقانىنا 18 جىل بولعانىن ايتتى. ول جاعىمسىز جازىلعان بىلاي تۇرسىن, تىم اۋىر سٶزدەر ايتىلاتىن جاعدايلار بولاتىنىن دا جازدى.
"بۇل جولى باسقاشا بولسىن دەپ شەشتٸم. سەبەبٸ پٸكٸر بٸلدٸرۋشٸ ريتا حانىم مەنٸڭ جەكە باسىمنان بٶلەك كٶپشٸلٸككە توپىراق شاشىپ وتىر. ەسەسٸنە, مەن سوتقا بەرٸپ, ادۆوكاتقا جٷگٸنگەنٸمدٸ بٸلەسٸزدەر. پروتسەسس باستالىپ كەتكەن. ەندٸ, جاۋابى ول ەيەل ٷشٸن تىم اۋىر بولاتىنىن ەستٸپ, كٶپ ويلاندىم. كٷنەسٸن بٸلەمٸز, ال تەۋبەسٸن بٸلۋشٸ اللا عانا عوي. كەشٸرٸم سۇرادى...
مٷمكٸن, شىنىمەن, تەۋبەسٸنە كەلگەن شىعار?!? تٸلگە تيەك دەگەن بار. اۋىزدان سٶز شىعارماس بۇرىن ويلانعان ابزال. قىز ٶسٸرٸپ وتىرسىز! دەل سول ٶسٸرٸپ وتىرعان قىزىڭىزعا نەمەسە نەمەرەڭٸزگە مەنٸكٸندەي تاعدىر جازىلماسىنا كەپٸلدٸگٸڭٸز جوق! ادامنىڭ ەمەس اللانىڭ جازاسى اۋىر بولادى! سەل ويلانىپ سٶيلەيٸك!" - دەدٸ ەنشٸ.
