Aýyldyq jerlerdegi 6,2 shaqyrym sý qubyryn aýystyrý qajet. Bul týraly QR Indýstriia jáne infraqurylymdyq damý birinshi vitse-ministri Qaiyrbek Óskenbaev aitty, dep habarlaidy QazAqparat.
«Densaýlyq saqtaý ministrliginiń aqparatyna sáikes, osy jyldyń birinshi jartyjyldyǵynda respýblikada sý qubyry sýynan alynǵan 12 451 synamaǵa sanitarlyq-himiialyq kórsetkishteri boiynsha zertteý júrgizildi. Onyń ishinde 634 synama nemese 5,1 paiyzy normativtik talaptarǵa sai kelmeidi. Qubyr arqyly beriletin sý sapasynyń tómen bolý sebepteriniń biri mamandandyrylǵan paidalanýy uiymnyń joqtyǵynan sý qubyrlary júiesiniń tozýy bolyp otyr. Ulttyq statistika biýrosynyń dereginshe, aýyldyq eldi mekenderdegi sý qubyry jelisiniń jalpy usyndyǵy 40,7 shaqyrymdy quraidy. Onyń ishinde 6,2 shaqyrymy aýystyrýdy talap etedi», - dedi ol Májilistegi dóńgelek ústel barysynda.
Onyń aitýynsha, elimizde qoldanystaǵy sý qubyrlarynyń jelisi osydan 25-40 jyl buryn quryshtan jáne shoiyn qubyrlardan jasalǵan. Al olar tottanýǵa beiim, ári tez tozyp, aýyz sý sapasyn tómendetedi.
«Osyǵan orai halyqqa jaily ómir súrýge jaǵdai jaqsaý maqsatynda sý qubyrlary jelisin aýqymdy jańǵyrtý jáne jańartý qajet», - dedi Qaiyrbek Óskenbaev.
