اۋىلدىق جەرلەردەگٸ 6,2 شاقىرىم سۋ قۇبىرىن اۋىستىرۋ قاجەت. بۇل تۋرالى قر يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات.
«دەنساۋلىق ساقتاۋ مينيسترلٸگٸنٸڭ اقپاراتىنا سەيكەس, وسى جىلدىڭ بٸرٸنشٸ جارتىجىلدىعىندا رەسپۋبليكادا سۋ قۇبىرى سۋىنان الىنعان 12 451 سىناماعا سانيتارلىق-حيمييالىق كٶرسەتكٸشتەرٸ بويىنشا زەرتتەۋ جٷرگٸزٸلدٸ. ونىڭ ٸشٸندە 634 سىناما نەمەسە 5,1 پايىزى نورماتيۆتٸك تالاپتارعا ساي كەلمەيدٸ. قۇبىر ارقىلى بەرٸلەتٸن سۋ ساپاسىنىڭ تٶمەن بولۋ سەبەپتەرٸنٸڭ بٸرٸ مامانداندىرىلعان پايدالانۋى ۇيىمنىڭ جوقتىعىنان سۋ قۇبىرلارى جٷيەسٸنٸڭ توزۋى بولىپ وتىر. ۇلتتىق ستاتيستيكا بيۋروسىنىڭ دەرەگٸنشە, اۋىلدىق ەلدٸ مەكەندەردەگٸ سۋ قۇبىرى جەلٸسٸنٸڭ جالپى ۇسىندىعى 40,7 شاقىرىمدى قۇرايدى. ونىڭ ٸشٸندە 6,2 شاقىرىمى اۋىستىرۋدى تالاپ ەتەدٸ», - دەدٸ ول مەجٸلٸستەگٸ دٶڭگەلەك ٷستەل بارىسىندا.
ونىڭ ايتۋىنشا, ەلٸمٸزدە قولدانىستاعى سۋ قۇبىرلارىنىڭ جەلٸسٸ وسىدان 25-40 جىل بۇرىن قۇرىشتان جەنە شويىن قۇبىرلاردان جاسالعان. ال ولار توتتانۋعا بەيٸم, ەرٸ تەز توزىپ, اۋىز سۋ ساپاسىن تٶمەندەتەدٸ.
«وسىعان وراي حالىققا جايلى ٶمٸر سٷرۋگە جاعداي جاقساۋ ماقساتىندا سۋ قۇبىرلارى جەلٸسٸن اۋقىمدى جاڭعىرتۋ جەنە جاڭارتۋ قاجەت», - دەدٸ قايىربەك ٶسكەنباەۆ.
