Aýyr jaǵdaidaǵy naýqastarmen jumys isteitin birinshi eshelonnyń 8 klinika ottegi berý júiesimen qamtamasyz etiledi. Bul týraly «Almaty» telearnasynyń Akimat Live baǵdarlamasynda qala ákimi Baqytjan Saǵyntaev málimdedi, dep habarlaidy "Ult aqparat".
Sapaly emge áser etetin faktorlardyń biri – naýqastardy meditsinalyq ottegimen qamtamasyz etý. Osyǵan bailanysty bul máseleni júieli túrde sheshý úshin meditsinalyq uiymdarǵa ottegi stantsiialaryn ornatý boiynsha qalalyq baǵdarlama qabyldandy.
Osynyń arqasynda birinshi eshelondaǵy jatyn oryndar 100% ottegimen qamtylady.
«Eger klinikalarda qajetti kólemde jumysty qamtamasyz ete alatyn óz ottegi stantsiiasy bolsa, onda ol júieni retteý kerek. Ol úshin qarjy da bólindi. 10 qyrkúiekke deiin aýyr jaǵdaidaǵy naýqastarmen jumys isteitin birinshi eshelondaǵy 8 klinika ortalyqtandyrylǵan ottegi júiesiniń statsionarlarymen qamtamasyz etiledi. Ekinshi kezeńde biz ekinshi eshelondaǵy klinikalardy ottegimen qamtamasyz etýge kóshemiz, sol arqyly bul máseleni sheshemiz», - dedi ákim.
