اۋىر جاعدايداعى ناۋقاستارمەن جۇمىس ٸستەيتٸن بٸرٸنشٸ ەشەلوننىڭ 8 كلينيكا وتتەگٸ بەرۋ جٷيەسٸمەن قامتاماسىز ەتٸلەدٸ. بۇل تۋرالى «الماتى» تەلەارناسىنىڭ Akimat Live باعدارلاماسىندا قالا ەكٸمٸ باقىتجان ساعىنتاەۆ مەلٸمدەدٸ, دەپ حابارلايدى "ۇلت اقپارات".
ساپالى ەمگە ەسەر ەتەتٸن فاكتورلاردىڭ بٸرٸ – ناۋقاستاردى مەديتسينالىق وتتەگٸمەن قامتاماسىز ەتۋ. وسىعان بايلانىستى بۇل مەسەلەنٸ جٷيەلٸ تٷردە شەشۋ ٷشٸن مەديتسينالىق ۇيىمدارعا وتتەگٸ ستانتسييالارىن ورناتۋ بويىنشا قالالىق باعدارلاما قابىلداندى.
وسىنىڭ ارقاسىندا بٸرٸنشٸ ەشەلونداعى جاتىن ورىندار 100% وتتەگٸمەن قامتىلادى.
«ەگەر كلينيكالاردا قاجەتتٸ كٶلەمدە جۇمىستى قامتاماسىز ەتە الاتىن ٶز وتتەگٸ ستانتسيياسى بولسا, وندا ول جٷيەنٸ رەتتەۋ كەرەك. ول ٷشٸن قارجى دا بٶلٸندٸ. 10 قىركٷيەككە دەيٸن اۋىر جاعدايداعى ناۋقاستارمەن جۇمىس ٸستەيتٸن بٸرٸنشٸ ەشەلونداعى 8 كلينيكا ورتالىقتاندىرىلعان وتتەگٸ جٷيەسٸنٸڭ ستاتسيونارلارىمەن قامتاماسىز ەتٸلەدٸ. ەكٸنشٸ كەزەڭدە بٸز ەكٸنشٸ ەشەلونداعى كلينيكالاردى وتتەگٸمەن قامتاماسىز ەتۋگە كٶشەمٸز, سول ارقىلى بۇل مەسەلەنٸ شەشەمٸز», - دەدٸ ەكٸم.
