12-14 qazan aralyǵynda kóliktegi politsiia departamentiniń qyzmetkerleri «Qańǵybas» jedel-aldyn alý is-sharasyn ótkizdi, dep habarlaidy "Ult aqparat".
Is-sharanyń maqsaty - belgili bir turǵylyqty mekenjaiy, qujattary joq jáne qańǵybastyqpen ainalysatyn adamdar arasyndaǵy qylmystardyń aldyn alýǵa jáne jolyn kesýge, habar-osharsyz ketken adamdardyń ornalasqan jerin anyqtaýǵa, sondai-aq qylmyskerlerdi izdeýge baǵyttalǵan. Bul týraly kóliktegi politsiia departamentiniń bastyǵy Ońal Bekeev aitty.
Onyń aitýynsha, kólik politseileri jolaýshy poiyzdarynda, vokzaldarda, parkter men perrondarda tekserý júrgizdi .
13 qazan kúni departamenttiń kriminaldyq politsiia qyzmetkerleri atalǵan is-sharany ótkizý barysynda Aqmola oblysy Shýchinsk qalasynyń temirjol vokzaly aýdanynda Resei Federatsiiasynyń 49 jastaǵy azamatyn anyqtap, ustady.
Atalǵan azamat ótken jyldyń qyrkúiek aiynan beri Resei Federatsiiasy Qylmystyq kodeksiniń 159-baby 3-bóligi ( alaiaqtyq ) boiynsha aýyr qylmys jasaǵany úshin izdeýde bolǵan. Qazir oǵan qatysty «eshqaida ketpeý» týraly bultartpaý sharasy qabyldandy.
Sol kúni Nur-Sultan qalasynda urlyq jasaǵan 26 jáne 33 jastaǵy taǵy eki azamat ustaldy.
O. Bekeev jedel aldyn alý is-sharasy aiasynda belgili turǵylyqty jeri joq 243 adamnyń daktiloskopiialyq esepke qoiylǵanyn aitty.
«Mundai sharalar adamnyń qylmys jasaýǵa yqtimal qatystylyǵyn, adamnyń izdeýde júrgenin anyqtaýǵa múmkindik beredi. Turǵylyqty jeri joq adamdar arasynda izdestirilip jatqan 6 adam, onyń ishinde aýyr qylmys jasaǵany úshin izdestirilgen 3 qylmysker ustaldy. Sondai-aq, habar-osharsyz ketken bir adam anyqtaldy», - deidi politsiia polkovnigi.
