Qyzylorda oblysynda ótip jatqan aýyr atletikadan el birinshiliginde alǵashqy jarys kúniniń jeńimpazdar anyqtaldy, dep habarlaidy QazAqparat.
Aita ketsek, el birinshiligi erler men áielder arasynda ótkizilýde. Jarys jekelegen jattyǵýlar boiynsha bolady.
Alty kún boiy sportshylar 20 salmaq boiynsha jeńimpazdardy anyqtaidy. Atalǵan jarysta erler 55, 61, 67, 73, 81, 89, 96 keli salmaqta júldelerdi sarapqa salady. Al áielder 45, 49, 55, 59, 67, 71, 76, 81, 87, 87 keliden joǵary salmaqta baq synaidy.
Alǵashqy jarys kúninde áielder arasynda 45 kelide Aleksandra Belenko chempion atandy. Odan keiingi oryndardy jambyldyq Ainur Ábdihalyqova men Almaty oblysynan kelgen Alfiia Garifýllina ózara bólisti.
Al áielder arasynda 49 kelide qarǵandylyq Daria Balabaniýk, aqmolalyq Aiym Muhametjanova, qyzylordalyq Saltanat Qypshaqbai ózara bólisti.
Erler arasynda 55 kelide shymkenttik Arli Chontei jeńis tuǵyryna kóterildi. Odan keiingi oryndar Almaty oblysynan Anatolii Grýbov men Shyǵys Qazaqstan obylsynyń sportshysy Ernaz Alpysovqa buiyrdy.
Eske salsaq, el birinshiligine Nur-Sultan, Almaty, Shymkent qalalary men oblys ortalyqtarynan 220-ǵa jýyq sportshy júldelerdi sarapqa salýda. Jarys 24 sáýirge deiin jalǵaspaq.
