11 naýryzda aýyr atletikadan Qazaqstan chempionaty bastalady. El birinshiligi onlain formatta ótedi, dep habarlaidy "Ult aqparat" Olympic.kz saityna silteme jasap.
Aldyn ala málimet boiynsha, ulttyq birinshilikke elimizdiń barlyq aimaǵynan 300-den asa sportshy qatysady.
«Biylǵy qańtardan bastap aldaǵy Aziia chempionatyna qarqyndy daiyndalyp jatyrmyz. Búginde bapkerler qurlyq dodasyna qatysatyn 17 aýyr atletti tańdap aldy. Onyń ishinde jeti áiel, on er adam bar. Qatysýshylar esimin el chempionaty aiaqtalǵan soń jariialaimyz. Bul joly da biz jarysty úirenshikti onlain formatta ótkizemiz. Bizdiń sportymyz úshin bul nusqa yńǵaily. Jarystyń ótý barysyna aitarlyqtai kedergi keltirmeidi. Ekinshi jaǵyna, Aziia chempionaty qarsańynda sportshylardyń virýs juqtyryp alý qaýpiniń aldyn alady», - deidi ulttyq quramanyń bas bapkeri Baqyt Ahmetov.
Aita ketelik, týrnir 17 naýryzǵa deiin jalǵasady.
