Halyqaralyq aýyr atletika federatsiiasy Tokiodaǵy Jazǵy Olimpiada oiyndaryna joldama alǵan sportshylar tizimin jariialady, dep habarlaidy "Ult aqparat" Olympic.kz saityna silteme jasap.
Qazaqstan quramasynan áielder arasynda 55 kelige deiingi salmaq dárejesinde Zýlfiia Chinshanlo, al erler arasynda 61 kelige deiingi salmaqta osy jazdyń basty básekesinde el namysyn Igor Son qorǵamaq.
Irikteý kezeńinde 3628,3941 upai jinaǵan Zýlfiia Chinshanlo álemdik reitingtiń tórtinshi satysynda tur. Igor Son 3015.0319 upaimen toǵyzynshy orynǵa jaiǵasqan. Qazaqstandyq aýyr atlet Tokio Olimpiadasyna qurlyqtyq kvota boiynsha joldama aldy.
Esterińizge sala keteiik, halyqaralyq federatsiianyń sheshimi boiynsha 2008-2020 jyldar aralyǵynda dopingke qarsy erejelerdi 20-dan astam buzǵan elder Tokio Olimpiadasyna eki sportshydan ǵana (bir áiel jáne bir er) jibere alady. Búginde Qazaqstan qorjynynda Olimpiada oiyndaryna sporttyń 26 túrinen 69 litsenziia bar.
