«Aýylym – altyn tuǵyrym» ádebi konkýrsyna «Balalarǵa arnalǵan eń úzdik ádebi shyǵarma» nominatsiiasy qosylady. Bul týraly «Aýyl» partiiasynyń tóraǵasy Á.Bektaev aityp berdi, dep habarlaidy QazAqparat.
«Ózderińiz bilesizder, «Aýyl» partiiasy tórt jyldan beri «Aýylym – altyn tuǵyrym» ádebi baiqaýyn uiymdastyryp keledi. Ár jyldyń qorytyndysy boiynsha úsh tomdyq jinaq jaryq kóredi. Qazirge deiin 12 tomdyq jinaq basylyp shyqty. Biylǵy konkýrsqa balalar ádebietin qoldaý maqsatynda «Balalarǵa arnalǵan eń úzdik ádebi shyǵarma» arnaiy nominatsiiasy qosylyp otyr. «Aýylym – altyn tuǵyrym» ádebi konkýrsyna shyǵarmalardy qabyldaý 1 naýryzdan bastalady. Barlyq aqyn-jazýshylardy osy konkýrsqa qatysýǵa shaqyramyz», - dedi partiia tóraǵasy QR Ulttyq kitaphanasynda
Aita keteiik, «Aýyl» partiiasy «Mádeniet portalymen» birigip, dástúrli «Aýylym – altyn tuǵyrym» atty aýyl taqyrybyna arnalǵan shyǵarmalar baiqaýyn jariialady. Biylǵy konkýrs mereili mereke Táýelsizdiktiń 30 jyldyǵyna arnalady.
Úmitkerler konkýrsqa usynatyn shyǵarmalaryn auyl.kz saityndaǵy «Aýylym – altyn tuǵyrym» siltemesi arqyly nemese tikelei madeniportal.kz portalynda onlain jariialai alady.
Konkýrsqa shyǵarmalardy qabyldaý 1 naýryzda bastalyp, 2021 jyldyń 1 qarashasyna deiin júrgiziledi. Jeńimpazdardy marapattaý 2021 jyly jeltoqsan aiynda Táýelsizdik kúni qarsańynda ótedi.
Eske sala ketsek, QR Ulttyq Akademiialyq kitaphanasynda jazýshy, QR eńbek sińirgen qairatkeri Sáýle Dosjannyń jasóspirimderge arnalǵan «Aýyldan shyqqan millioner» kitaby tanystyryldy. Kitap «Aýyl» Halyqtyq-demokratiialyq patriottyq partiiasynyń qoldaýymen jaryq kórgen.
