Aýyldyq eldi mekenderdiń meditsinalyq obektilermen qamtamasyz etilýine baǵalaý júrgiziledi. Bul jaiynda Senat depýattarynyń resmi saýalyna orai QR Premer-Ministri Asqar Maminniń bergen jaýabynda aitylǵan, dep habarlaidy "Ult aqparat".
«Densaýlyq saqtaý uiymdaryn meditsina kadrlarymen qamtamasyz etý Densaýlyq saqtaý ministriniń 2010 jylǵy 7 sáýirdegi № 238 buiryǵymen bekitilgen óńirlerdi meditsina qyzmetkerlerimen qamtamasyz etý normativterine sáikes júzege asyrylady. Jyl saiyn meditsina kadrlaryn daiarlaýǵa memlekettik bilim berý tapsyrysy bólinedi. Budan basqa, 2012 jyldan bastap meditsinalyq mamandyqtar boiynsha memlekettik bilim berý tapsyrysy esebinen bilim alǵan bitirýshilerdiń úsh jyl boiy mindetti jumyspen óteý normasy engizildi. 2020 jylǵy 1 qańtarǵa klinikalyq mamandyqtar kadrlarda qajettilik – 4 644 birlikti qurady, onyń ishinde aýylda – 912 birlik», - dedi Úkimet basshysy.
Onyń atap ótýinshe, aýyldyq eldi mekenderge jumys isteý jáne turý úshin kelgen jas mamandarǵa jergilikti atqarýshy organdar áleýmettik qoldaý kórsetedi. Bul klinikalyq beiindegi kadrlar tapshylyǵyn 20 paiyzǵa tómendetýge múmkindik berdi.
«Kadrlardyń biliktiligi turaqty negizde artyp keledi. Biyl 2 982 aýyldyq densaýlyq saqtaý mamandary daiarlandy. Sondai-aq Úkimettiń 2020 jylǵy 30 shildedegi № 489 qaýlysymen bekitilgen pandemiia jaǵdaiynda qazaqstandyqtardyń ómiri men densaýlyǵyn qorǵaý jónindegi ulttyq josparǵa sáikes halyqqa meditsinalyq kómek kórsetý tiimdiligin arttyrý, densaýlyq saqtaý júiesi, infraqurylymdy nyǵaitý, materialdyq-tehnikalyq jaraqtandyrý, tsifrlandyrý jáne taǵy basqa bóliginde koronavirýstyq infektsiiamen kúres jónindegi sharalar kesheni iske asyrylýda», - dedi Asqar Mamin.
Sonymen qatar ol «Jańa jaǵdaidaǵy Qazaqstan: is-qimyl kezeńi» atty Memleket basshysynyń 2020 jylǵy 1 qyrkúiektegi Qazaqstan halqyna Joldaýynda aitylǵan meditsinalyq-sanitarlyq alǵashqy kómek tásilderin joǵary utqyrlyq jáne halyqtyń qalyń kópshiligine, onyń ishinde aýyldyq jerde turatyndarǵa qoljetimdi bolýy jaǵyna qarai túbegeili qaita qaraý jónindegi tapsyrmany oryndaý úshin aýyldyq eldi mekenderdiń meditsinalyq obektilermen qamtamasyz etilýine baǵalaý júrgiziledi. Jumys nátijesi boiynsha aýyl turǵyndaryna meditsinalyq-sanitarlyq kómek kórsetýdi jaqsartý boiynsha tiisti sharalar qabyldanatyn bolady. Aýyl halqyn qoljetimdi meditsinalyq kómekpen qamtamasyz etý jáne aýyldyq densaýlyq saqtaý infraqurylymyn damytý máseleleri Úkimettiń erekshe baqylaýynda», - dep tolyqtyrdy Premer-Ministr.
