BQO qylmystyq ister jónindegi mamandandyrylǵan aýdanaralyq sotynda Jánibek aýdanynyń turǵyny Nazar Saparǵalievke úkim shyqty, dep habarlaidy "Ult aqparat".
Sýdia Baqyt Ermahanov jariia etken sot úkimimen 18 jastaǵy N.Saparǵaliev QR QK 99-babyna sáikes aiypty dep tanylyp, 15 jylǵa bas bostandyǵynan aiyrý jazasyn qaýipsizdigi barynsha joǵary qylmystyq-atqarý júiesi mekemesinde óteýge sottaldy.
Oǵan qosa sottalýshy jábirlenýshiniń otbasyna 10 mln teńge moraldyq zalaldy óteýge mindetteldi.
Qandy oqiǵa biylǵy sáýir aiynda Qamysty aýylynda boldy. Dosymen júrgen N.Saparǵalievke ózderinen úlken eki aýyldasy tiisken. Sottalýshy bul jóninde óziniń aǵasyna aityp, kómektesýdi ótingen. Kúndiz sózge kelgen tarappen habarlasyp, kezdesý belgilegen. Kezdesýge jábirlenýshi tarapynan bes, aiyptalýshy jaǵynan segiz adam barǵan. N.Saparǵaliev asúi pyshaǵyn ala shyǵyp, tóbeles kezinde jábirlenýshi K-nyń keýde tusyna jumsaǵan. Jábirlenýshi aýrýhanaǵa barar jolda kóz jumdy.
Aita ketetin jait, jábirlenýshi N.Saparǵalievpen janjaldaspaǵan. Ol sol kúni tek dostaryna erip kelgen. Kýálar qaiyrymdy, elgezek adam retinde sipattaǵan marqumnyń sońynda jary, úsh balasy qaldy.
Sot úkimi zańdy kúshine engen joq.
