2021 jyly aýyl sharýashylyǵynda túrli baǵyttar boiynsha 79 investitsiialyq joba iske asyrylady. Bul týraly Úkimet otyrysynda Aýyl sharýashylyǵy ministri Saparhan Omarov málim etti, dep habarlaidy QazAqparat.
«Importty almastyrý aiasynda biyldyń ózinde 35 taýarlyq sút fermasyn, 2 100 gektar baq (óndiristik qýaty – jylyna 73,5 myń tonna alma), 3 et kombinatyn, 5 qus fabrikasyn, balyq óndiretin 4 nysandy iske qosý josparlanyp otyr, sondai-aq 1 qant zaýytynyń qurylysy bastalady», - dedi ministr.
Onyń aitýynsha, elimiz boiynsha 2021 jyly túrli baǵyttar boiynsha 79 investitsiialyq jobany iske asyrý kózdelip otyr.
Budan buryn habarlanǵandai, iri 7 ekojúie qurý jónindegi tapsyrmaǵa sáikes, Soltústik Qazaqstan oblysynda qýaty 300 myń tonna bolatyn dándi daqyldar, Aqmola oblysynda qýaty 200 myń tonna bolatyn maily daqyldar, Aqtóbe oblysynda 20 myń tonna, Almaty oblysynda 15 myń tonna bolatyn et óndiretin jáne óńdeitin ekojúieler qurý jónindegi investitsiialyq jobalar iske asyrylatyn bolady.
