2021 جىلى اۋىل شارۋاشىلىعىندا تٷرلٸ باعىتتار بويىنشا 79 ينۆەستيتسييالىق جوبا ٸسكە اسىرىلادى. بۇل تۋرالى ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«يمپورتتى الماستىرۋ اياسىندا بيىلدىڭ ٶزٸندە 35 تاۋارلىق سٷت فەرماسىن, 2 100 گەكتار باق (ٶندٸرٸستٸك قۋاتى – جىلىنا 73,5 مىڭ توننا الما), 3 ەت كومبيناتىن, 5 قۇس فابريكاسىن, بالىق ٶندٸرەتٸن 4 نىساندى ٸسكە قوسۋ جوسپارلانىپ وتىر, سونداي-اق 1 قانت زاۋىتىنىڭ قۇرىلىسى باستالادى», - دەدٸ مينيستر.
ونىڭ ايتۋىنشا, ەلٸمٸز بويىنشا 2021 جىلى تٷرلٸ باعىتتار بويىنشا 79 ينۆەستيتسييالىق جوبانى ٸسكە اسىرۋ كٶزدەلٸپ وتىر.
بۇدان بۇرىن حابارلانعانداي, ٸرٸ 7 ەكوجٷيە قۇرۋ جٶنٸندەگٸ تاپسىرماعا سەيكەس, سولتٷستٸك قازاقستان وبلىسىندا قۋاتى 300 مىڭ توننا بولاتىن دەندٸ داقىلدار, اقمولا وبلىسىندا قۋاتى 200 مىڭ توننا بولاتىن مايلى داقىلدار, اقتٶبە وبلىسىندا 20 مىڭ توننا, الماتى وبلىسىندا 15 مىڭ توننا بولاتىن ەت ٶندٸرەتٸن جەنە ٶڭدەيتٸن ەكوجٷيەلەر قۇرۋ جٶنٸندەگٸ ينۆەستيتسييالىق جوبالار ٸسكە اسىرىلاتىن بولادى.
