Foto: Májilis
Qazaqstan prezidenti Qasym-Jomart Toqaev 8 qyrkúiekte ótken Joldaýynda aýyl sharýashylyǵy ǵylymyn damytýdyń naqty josparyn ázirleýdi tapsyrdy, dep habarlaidy Ult.kz.
"Bul qujat tsifrlyq tehnologiialardy qoldanýǵa jáne osy salanyń ónimdiligin edáýir arttyrýǵa arnalǵan jospar bolýǵa tiis", - dedi Prezident óz sózinde.
QR Parlament Májilisi depýtaty Erkin Ábil Qazaqstanda buǵan deiin kóp jospar bolǵanyn, alaida esh biri oryndalmaǵanyn aityp otyr. Sondyqtan Prezidenttiń bastamasy agrarlyq salada óte qajet deidi.
"Bizde birneshe baǵdarlama boldy, biraq bir de bir baǵdarlama aiaǵyna deiin júzege aspady. Aýyl sharýashylyǵynda jospar bar, biraq ol óndiristik saiasattaǵy josparlarmen bailanyspaidy, investitsiialyq josparlarmen bailanys joq. Bizde ár oblystyń investitsiialyq jospary bólek. Ár ákim óz josparyn jasaidy, ózi investorlar izdeidi. Bizde jalpy ulttyq integratsiia joq. Biz bir platformada jumys isteýimiz kerek degen kúnniń ózinde jergilikti bilik qarsy shyǵady, biriktirgisi kelmeidi. Árkim óz óńirinde qoja bolyp otyr. Sondyqtan osy jerde tsifrlandyrý kerek. Men buryn da Joldaýda osy aitylsa dep aitqanmyn. Osy másele aityldy", - dedi depýtat E. Ábil.
Depýtat agrarlyq salany tsifrlandyrý mehanizmderi men zamanaýi tehnologiialar qazir Qazaqstanda bar, tek sony qoldanysqa engizý kerek dep esepteidi.
Osydan bir jyl buryn depýtattar sýbsidiiany ónimge, jerge, mal basyna emes, jańa tehnologiiaǵa bólý boiynsha usynys jasaǵan eken. Erkin Ábil jańa tehnologiiany damytqanda ǵana aýyl sharýashylyǵy damidy dep otyr.
