Biyl qańtar aiynda mal sharýashylyǵyndaǵy óndiris kólemi ósti. Bul týraly Úkimet otyrysynda Aýyl sharýashylyǵy ministri Saparhan Omarov málim etti, dep habarlaidy QazAqparat.
«Biyldyń qańtar aiynda jalpy aýyl sharýashylyǵy óniminiń kólemi 2,5 paiyzǵa ulǵaiyp, 170,6 mlrd teńgeni qurady. Bul ósim negizinen mal sharýashylyǵyndaǵy óndiris kóleminiń 2,7 paiyzǵa ulǵaiýy esebinen qamtamasyz etildi. Máselen, et óndirisiniń soiys salmaqtaǵy kólemi 5,3 paiyzǵa, sút 3,8 paiyzǵa ósti. Bul rette, 10,2 mlrd teńgege ósimdik sharýashylyǵy ónimderi óndirilip, naqty kólem indeksi 100 paiyzdy qurady. Bul kólem aýyl sharýashylyǵy daqyldaryn jabyq topyraqta (jylyjaida) ósirý esebinen qamtamasyz etildi», - dedi ministr.
Onyń aitýynsha, óńirler bólinisinde respýblikalyq deńgeiden joǵary qarqyn 3 oblysta baiqalyp. Atap aitqanda, Aqmola oblysynda 114 paiyzdy, Túrkistan oblysynda 103,2 paiyzdy, Qostanai oblysynda 102,7 paiyzdy qurady.
