بيىل قاڭتار ايىندا مال شارۋاشىلىعىنداعى ٶندٸرٸس كٶلەمٸ ٶستٸ. بۇل تۋرالى ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«بيىلدىڭ قاڭتار ايىندا جالپى اۋىل شارۋاشىلىعى ٶنٸمٸنٸڭ كٶلەمٸ 2,5 پايىزعا ۇلعايىپ, 170,6 ملرد تەڭگەنٸ قۇرادى. بۇل ٶسٸم نەگٸزٸنەن مال شارۋاشىلىعىنداعى ٶندٸرٸس كٶلەمٸنٸڭ 2,7 پايىزعا ۇلعايۋى ەسەبٸنەن قامتاماسىز ەتٸلدٸ. مەسەلەن, ەت ٶندٸرٸسٸنٸڭ سويىس سالماقتاعى كٶلەمٸ 5,3 پايىزعا, سٷت 3,8 پايىزعا ٶستٸ. بۇل رەتتە, 10,2 ملرد تەڭگەگە ٶسٸمدٸك شارۋاشىلىعى ٶنٸمدەرٸ ٶندٸرٸلٸپ, ناقتى كٶلەم يندەكسٸ 100 پايىزدى قۇرادى. بۇل كٶلەم اۋىل شارۋاشىلىعى داقىلدارىن جابىق توپىراقتا (جىلىجايدا) ٶسٸرۋ ەسەبٸنەن قامتاماسىز ەتٸلدٸ», - دەدٸ مينيستر.
ونىڭ ايتۋىنشا, ٶڭٸرلەر بٶلٸنٸسٸندە رەسپۋبليكالىق دەڭگەيدەن جوعارى قارقىن 3 وبلىستا بايقالىپ. اتاپ ايتقاندا, اقمولا وبلىسىندا 114 پايىزدى, تٷركٸستان وبلىسىندا 103,2 پايىزدى, قوستاناي وبلىسىندا 102,7 پايىزدى قۇرادى.
