Búgin Jer reformasy jónindegi komissiianyń birinshi otyrysynda Aýyl sharýashylyǵy ministri Saparhan Omarov aýyl sharýashylyǵy jerlerin tiimdi jáne utymdy paidalaný máseleleri boiynsha júrgizilip jatqan jumystar týraly baiandady, dep habarlaidy QazAqparat.
«Atap aitsaq, búgingi kúni memlekettik shekaradan araqashyqtyqty aiqyndai otyryp, shekara mańyndaǵy aimaqta aýyl sharýashylyǵy jerlerin sheteldikterge jáne sheteldiktermen nemese azamattyǵy joq adamdarmen nekede turǵan (erli-zaiypty) azamattarǵa berýge tyiym salynǵan. Halyqtyń jeke malyn eldi mekenderdiń mańynda kútip-baǵý muqtajdyqtary memleket muqtajdyqtary sanatyna jatqyzyldy, bul olardy májbúrlep alyp qoiýǵa zańnamalyq negiz beredi. Aýyl sharýashylyǵy jerleriniń tiimdi paidalanylýyn memlekettik baqylaýdy kúsheitý maqsatynda 2019 jyly Jer kodeksine Jerdi qashyqtyqtan zondtaý derekterin paidalaný jóninde ózgerister engizildi. Iaǵni, paidalanylmaityn jerlerdi anyqtaý úshin endi júieli baqylaý, jerústi túsirilimderin jasaý, zerttep-qaraý, túgendeý nátijelerimen qatar, ǵaryshtyq monitoring nátijeleri de paidalanylatyn bolady», - dedi ministr.
Uqypsyz jer paidalanýshylardy paidalanylmaityn aýyl sharýashylyǵy jerlerinen óz erkimen bas tartýǵa ekonomikalyq turǵydan májbúrleý maqsatynda 2020 jylǵy jeltoqsanda Salyq kodeksine paidalanylmaityn aýyl sharýashylyǵy jerlerine arnalǵan salyq mólsherlemesin 10 eseden 20 esege deiin ulǵaitýdy kózdeitin túzetýler qabyldandy.
«Jerdiń paidalanylýy men qorǵalýyn memlekettik baqylaýdy jetildirý boiynsha zań jobasy ázirlenip, onda paidalanylmaityn aýyl sharýashylyǵy jerlerin tekserý kezeńderi men alyp qoiý merzimderin 3 jyldan 1 jylǵa deiin qysqartý kózdeldi. Jyljymaityn múliktiń biryńǵai memlekettik kadastry aiasynda memlekettik kórsetiletin qyzmetterdi tsifrlandyrý jónindegi zań jobasy ázirlenip, Qazaqstan Respýblikasy Parlamentiniń Májilisine engizildi. Atalǵan zań jobasynyń maqsaty jer ýchaskelerin berý rásimderin birizdendirý, ótinimderdi qaraý merzimderi men barysyn baqylaý, qaǵazsyz qyzmet kórsetý, jer komissiiasy institýtyn alyp tastaý, jer ýchaskesiniń bólinýin memlekettik organdarmen, monopolist uiymdarmen kelisýdi elektrondyq formatta júrgizý bolyp otyr», - dedi S. Omarov.
Sonymen qatar ol aýyl sharýashylyǵy jerlerin konkýrstar arqyly berý tártibiniń bólek egjei-tegjeili reglamenti ázirlengenin aitty.
«Konkýrstyq komissiia jumysynyń ashyqtyǵyn qamtamasyz etý úshin onyń quramyna zańnamalyq túrde Komissiia músheleriniń jalpy sanynyń keminde 50%-y mólsherinde qoǵamdyq keńester men birlestikterdiń ókilderi engizildi. Jer paidalanýshylardyń mindetteri men jaýapkershiligin naqtylai, kúsheite otyryp, aýyl sharýashylyǵy jerlerin jaldaýdyń biryńǵai úlgilik sharty zańnamalyq túrde belgilendi. Bekitilgen úlgilik shartqa sáikes aýyl sharýashylyǵy jerleriniń utymdy paidalanylýyna monitoring júrgizý tártibi zańnamalyq túrde belgilendi. Máselen, monitoring jalǵa alýdyń alǵashqy 5 jylynda jyl saiyn, al kelesi kezeńderde sýarmaly egistikte árbir 3 jyl saiyn, tálimi jerlerde árbir 5 jyl saiyn júzege asyrylady», - dedi ministr.
