بٷگٸن جەر رەفورماسى جٶنٸندەگٸ كوميسسييانىڭ بٸرٸنشٸ وتىرىسىندا اۋىل شارۋاشىلىعى مينيسترٸ ساپارحان وماروۆ اۋىل شارۋاشىلىعى جەرلەرٸن تيٸمدٸ جەنە ۇتىمدى پايدالانۋ مەسەلەلەرٸ بويىنشا جٷرگٸزٸلٸپ جاتقان جۇمىستار تۋرالى باياندادى, دەپ حابارلايدى قازاقپارات.
«اتاپ ايتساق, بٷگٸنگٸ كٷنٸ مەملەكەتتٸك شەكارادان اراقاشىقتىقتى ايقىنداي وتىرىپ, شەكارا ماڭىنداعى ايماقتا اۋىل شارۋاشىلىعى جەرلەرٸن شەتەلدٸكتەرگە جەنە شەتەلدٸكتەرمەن نەمەسە ازاماتتىعى جوق ادامدارمەن نەكەدە تۇرعان (ەرلٸ-زايىپتى) ازاماتتارعا بەرۋگە تىيىم سالىنعان. حالىقتىڭ جەكە مالىن ەلدٸ مەكەندەردٸڭ ماڭىندا كٷتٸپ-باعۋ مۇقتاجدىقتارى مەملەكەت مۇقتاجدىقتارى ساناتىنا جاتقىزىلدى, بۇل ولاردى مەجبٷرلەپ الىپ قويۋعا زاڭنامالىق نەگٸز بەرەدٸ. اۋىل شارۋاشىلىعى جەرلەرٸنٸڭ تيٸمدٸ پايدالانىلۋىن مەملەكەتتٸك باقىلاۋدى كٷشەيتۋ ماقساتىندا 2019 جىلى جەر كودەكسٸنە جەردٸ قاشىقتىقتان زوندتاۋ دەرەكتەرٸن پايدالانۋ جٶنٸندە ٶزگەرٸستەر ەنگٸزٸلدٸ. ياعني, پايدالانىلمايتىن جەرلەردٸ انىقتاۋ ٷشٸن ەندٸ جٷيەلٸ باقىلاۋ, جەرٷستٸ تٷسٸرٸلٸمدەرٸن جاساۋ, زەرتتەپ-قاراۋ, تٷگەندەۋ نەتيجەلەرٸمەن قاتار, عارىشتىق مونيتورينگ نەتيجەلەرٸ دە پايدالانىلاتىن بولادى», - دەدٸ مينيستر.
ۇقىپسىز جەر پايدالانۋشىلاردى پايدالانىلمايتىن اۋىل شارۋاشىلىعى جەرلەرٸنەن ٶز ەركٸمەن باس تارتۋعا ەكونوميكالىق تۇرعىدان مەجبٷرلەۋ ماقساتىندا 2020 جىلعى جەلتوقساندا سالىق كودەكسٸنە پايدالانىلمايتىن اۋىل شارۋاشىلىعى جەرلەرٸنە ارنالعان سالىق مٶلشەرلەمەسٸن 10 ەسەدەن 20 ەسەگە دەيٸن ۇلعايتۋدى كٶزدەيتٸن تٷزەتۋلەر قابىلداندى.
«جەردٸڭ پايدالانىلۋى مەن قورعالۋىن مەملەكەتتٸك باقىلاۋدى جەتٸلدٸرۋ بويىنشا زاڭ جوباسى ەزٸرلەنٸپ, وندا پايدالانىلمايتىن اۋىل شارۋاشىلىعى جەرلەرٸن تەكسەرۋ كەزەڭدەرٸ مەن الىپ قويۋ مەرزٸمدەرٸن 3 جىلدان 1 جىلعا دەيٸن قىسقارتۋ كٶزدەلدٸ. جىلجىمايتىن مٷلٸكتٸڭ بٸرىڭعاي مەملەكەتتٸك كاداسترى اياسىندا مەملەكەتتٸك كٶرسەتٸلەتٸن قىزمەتتەردٸ تسيفرلاندىرۋ جٶنٸندەگٸ زاڭ جوباسى ەزٸرلەنٸپ, قازاقستان رەسپۋبليكاسى پارلامەنتٸنٸڭ مەجٸلٸسٸنە ەنگٸزٸلدٸ. اتالعان زاڭ جوباسىنىڭ ماقساتى جەر ۋچاسكەلەرٸن بەرۋ رەسٸمدەرٸن بٸرٸزدەندٸرۋ, ٶتٸنٸمدەردٸ قاراۋ مەرزٸمدەرٸ مەن بارىسىن باقىلاۋ, قاعازسىز قىزمەت كٶرسەتۋ, جەر كوميسسيياسى ينستيتۋتىن الىپ تاستاۋ, جەر ۋچاسكەسٸنٸڭ بٶلٸنۋٸن مەملەكەتتٸك ورگاندارمەن, مونوپوليست ۇيىمدارمەن كەلٸسۋدٸ ەلەكتروندىق فورماتتا جٷرگٸزۋ بولىپ وتىر», - دەدٸ س. وماروۆ.
سونىمەن قاتار ول اۋىل شارۋاشىلىعى جەرلەرٸن كونكۋرستار ارقىلى بەرۋ تەرتٸبٸنٸڭ بٶلەك ەگجەي-تەگجەيلٸ رەگلامەنتٸ ەزٸرلەنگەنٸن ايتتى.
«كونكۋرستىق كوميسسييا جۇمىسىنىڭ اشىقتىعىن قامتاماسىز ەتۋ ٷشٸن ونىڭ قۇرامىنا زاڭنامالىق تٷردە كوميسسييا مٷشەلەرٸنٸڭ جالپى سانىنىڭ كەمٸندە 50%-ى مٶلشەرٸندە قوعامدىق كەڭەستەر مەن بٸرلەستٸكتەردٸڭ ٶكٸلدەرٸ ەنگٸزٸلدٸ. جەر پايدالانۋشىلاردىڭ مٸندەتتەرٸ مەن جاۋاپكەرشٸلٸگٸن ناقتىلاي, كٷشەيتە وتىرىپ, اۋىل شارۋاشىلىعى جەرلەرٸن جالداۋدىڭ بٸرىڭعاي ٷلگٸلٸك شارتى زاڭنامالىق تٷردە بەلگٸلەندٸ. بەكٸتٸلگەن ٷلگٸلٸك شارتقا سەيكەس اۋىل شارۋاشىلىعى جەرلەرٸنٸڭ ۇتىمدى پايدالانىلۋىنا مونيتورينگ جٷرگٸزۋ تەرتٸبٸ زاڭنامالىق تٷردە بەلگٸلەندٸ. مەسەلەن, مونيتورينگ جالعا الۋدىڭ العاشقى 5 جىلىندا جىل سايىن, ال كەلەسٸ كەزەڭدەردە سۋارمالى ەگٸستٸكتە ەربٸر 3 جىل سايىن, تەلٸمٸ جەرلەردە ەربٸر 5 جىل سايىن جٷزەگە اسىرىلادى», - دەدٸ مينيستر.
