QR Úkimetiniń Qaýlysymen Ábilhaiyr Ǵalymuly Tamabek Aýyl sharýashylyǵy vitse-ministri qyzmetine taǵaiyndaldy, dep habarlaidy "Ult aqparat" Premer-Ministrdiń baspasóz qyzmetine silteme jasap.
Ábilhaiyr Tamabek Jambyl oblysynda dúniege kelgen. Halyqaralyq biznes ýniversitetin, Lýis ulttyq ýniversitetin jáne QR Prezidenti janyndaǵy Memlekettik basqarý akademiiasyn bitirgen.
«Prezidenttik Jastar kadrlyq rezerviniń múshesi. Eńbek jolyn 2011 jyly jeke kompaniiada inspektor bolyp bastaǵan. 2015-2020 jyldary Ulttyq ekonomika ministrliginde, Qorǵanys jáne aeroǵarysh ónerkásibi ministrliginde ártúrli laýazymdarda jumys istedi. 2020-2022 jyldary – Jambyl oblysy ákimdiginiń Jerdiń paidalanylýy men qorǵalýyn baqylaý basqarmasynyń basshysy – bas memlekettik inspektory boldy», - delingen habarlamada.
2022 jylǵy aqpan aiynan bastap qazirge Aýyl sharýashylyǵy ministrligi Jer resýrstaryn basqarý komitetiniń Jambyl oblysy boiynsha jer resýrstaryn basqarý departamentiniń basshysy – jerdi paidalaný jáne qorǵaý jónindegi bas memlekettik inspektory laýazymyn atqardy.
