Foto: egemen.kz
Májilis depýtaty Naýryz Sailaýbai aýyl sharýashylyǵy tehnikasynyń 80% tozyǵy jetkenin aityp Aýyl sharýashylyǵy ministrligi men Ónerkásip jáne qurylys ministrligine depýtattyq saýal joldady dep habarlaidy "Ult Aqparat".
"Kóktem shyǵyp, Aýyldaǵy aǵaiynnyń jumysy kóbeigen kezde, sharýalar tehnikasyn túgendep, qarbalas tirlikke kóshken. Sol tehnikanyń Búginde 80% paiyzynyń tozyǵy kelgen. Ózimizde shyǵarylatyn tehnikalardy baǵasynyń sharyqtaýy. Shetelden aýyr tehnika alyp keletinderge qoilytyn talaptar taǵy bar. Sóitip bidai men etin muhit asyryp, shet elge eksporttaim degen qazaq armany – armany kúiinde qalatyn siiaqty", -dedi depýtat.
Onyń sózinshe «Belerýs 80.1» traktory 2019 jyly 5.9 mln. tursa – 2022 jyly ol 85% paiyzǵa ósip 11 mln teńgege ósip, qazir ol 8,7 mln teńge turady. Alys shet elden keletin Djon Dir S 760 Kombainy 171 mln tursa – nebári 3 jyldyń ishinde 272 mln qymbattaǵan.
Bizdegi qymbattaǵan baǵanyń ornyna qaita ornyǵýy eki talai ekenin aityp, depýtat qynjylys bildirdi.
"Ýtil alymdary men alǵashqy tirkeý salyqtaryda aýyl sharýashylyǵy tehnikalaryn da ainalyp ótken joq. Joǵaryda aitylǵan aýyr tehnikalardyń qymbattaýyna tikelei sebeb, osy alymdar", -degendi aitty N. Sailaýbai.
Qarjylyq monitoring agenttiginiń aqparaty boiynsha osy alymdardy ainalyp ótý úshin, 413 júk kóligin zańsyz tirkegen azamat memleketke 3 mlrd 156 mln teńge shyǵyn ákelgen. "Bul tek ustalǵandary ǵana, ustalmaǵandary qanshama" dep otyr depýtat.
"Odan bólek bul máseleni 2 palatada birdei, bir jyl emes bir neshe jyl boldy kóterip kele jatyr. Jánede qazyrǵy qar sýymen kúresýde osy jańa zamanaýi tehnikalardyń aýadai qajet ekenin barlyqtaryńyz ishteide bilip otyrsyzdar. Jalpy osy alymdardyń elge tiimsiz ekenin budan basqa qandai dálel kerek", -dedi Naýryz Sailaýbai.
Osyǵan orai depýtat óz usynys pen talaptaryn aitty. Depýtattyń alǵashqy talaby Ónerkásip jáne qurylys ministrligine:
"Qurmetti ministr myrza Siz argýment retinde aityp júrgen investorlardyń jaǵdaiy men sol kásiporyndarynda qyzmet etetin qarakóz azamattardyń quqyqtaryn qorǵai otyra Jalpy osy shet elden keletin tehnikalarǵa salynatyn ýtil, alǵashqy tirkeý t.b salyqtaryn alyp tastaýdy jáne qaita qarastyrýyńyzdy talap etemiz. Bul bizdiń talabymyz emes halyqtyń talaby", -dedi ol.
"Prezident óz joldaýynda «Azyq túlik kelisim shart korporatsiiasy»-nyń negizinde fermerlerdiń ónimin satyp alýdyń vertikaldy júiesin qur dep tapsyrma bergen. Birshama ýaqyt ótti, sonyń nátijesi týraly bir aqparat joq. Sol boiynsha esep berýińizdi suraimyz.
Deldaldarǵa jem bolǵan sharýalarǵa arnaiy ár óńirlerden óz ónimderin eshqandai kedergisiz qabyldaityn pýnktar bolý qajet. Sebebi óz ónimin tómen baǵaǵa beretin qara sharýa, kredit pen lizingke alǵan tehnikasynyń qarajatyn tólei almai sharýashylyǵynda satyp jatqan jailaryda bar OLH-qosymshasyn ashyp qarasańyzdar da bolady. Jánede sharýalar eginderin jinap bolǵannan keiin jylyna bir ýaqyt sol ónimderin kedergisiz tikelei shet elderge eksporttaýǵa ruqsat berý kerek.
Sóitip keńestik odaqta týmasaqta, keńestik qyzyl Enesei kombainy men sary K-700 traktorlaryn kórip óstik, aýyldarda áli bar. 40 jyl bolǵan tehnikalar bizge adal qyzmet etti, endi bizge zamnaýi sharýanyń qaltasy kóteretin Jańa Qazaqstanda – jańa tehnikalar kerek!", -dedi depýtat.
