Almatyda ótken «Bilimge negizdelgen AShK qalyptastyrý» forýmy barysynda bilim salasynyń ózgeristeri men jańalyqtary týraly aityldy, dep habarlaidy QazAqparat tilshisi.
Búginde bul salada 23 ǴZI, 3 ýniversitet maman daiarlaidy. Alaida, QR Aýyl sharýashylyǵy ministri Ómirzaq Shúkeev bul mamandardyń sapasy syn kótermeitinin aitty.
«ǴZI júiesinde basymdyqty tájiribege, kommertsiialandyrýǵa berip jatyrmyz. Ǵylymi jetistikter joq emes, biraq tehnologiialar transferti kerek. Úsh poligonda testileýdi bastadyq. Eger byltyr ǴZI-lerde basqa sharýashylyqtarǵa qaraǵanda nátije tómen bolsa, qazir nátije kóterildi. Ol kezde adamdarda senim bolmaǵan edi. Endi barlyq óńirlerde poligon ashamyz. Jeke qojalyqtardan Temirhan Myńaidaruly siiaqty (Dosmuhambetov) iriktep alyp, ekstenshn bilimdi taratý bazasyn quramyz. Ǵalymdardy jyl saiyn jinaityn bolamyz», - dedi Ómirzaq Shúkeev.
Onyń aitýynsha, qazir oqý oryndaryna báribir. Daiyndaǵan mamany básekege qabiletti me, joq pa - oǵan oqý orny bas aýyrtpaidy. Aýyl jastarynyń ishinde bári birdei ýniversitetke túsip otyrǵan joq. Oqýshylar UBT tapsyra almaidy. Bul - aýyl sharýashylyǵy salasy úshin óte úlken problema.
«Stýdentterdiń 10-20%-y artta qalyp keledi. Bul - aiqyn nárse. Osy sandy azaityp, úlgeretindermen teńestirý kerek. Al jańadan túskender ǵaryshkerler siiaqty qatań irikteýden ótýi tiis. Stýdentterdiń ortańǵy ókilderi ózgeristerge azdy-kópti beiim», - dedi ministr.
Qazaq Ulttyq agrarlyq ýniversitetiniń rektory Tilektes Esbolov habarlaǵandai, 2023 jylǵa taman aǵylshyn tilin biletin muǵalimderdiń sany - 2,5 ese, shaqyrylǵan professorlar sany - 3 ese, oqý aqysy - 32%-ǵa artady. JOO tabysy - 2 ese, ustazdardyń jalaqy qory 20 %-ǵa artady.
Sonymen qatar, bilim berý baǵdarlamalary 35%-ǵa, jumys istep turǵan zerthana sany 30%-ǵa qysqarady.
«Búginde QazUAÝ-da 973 muǵalim sabaq beredi. Oqý ujymy arasynda bul týraly áńgime boldy, ujym oǵan daiyn. Muǵalimderdiń sany 30%-ǵa, 10 myń stýdenttiń sany 30%-ǵa qysqarady. Bosaǵan grant oryndary basqalarǵa bólip beriledi. Esesine bul jerde sapa bolady», - dedi rektor Tilektes Espolov.
Al qysqartylǵan ustazdar ekstenshn júiesimen jergilikti sharýashylyq ortalyqtaryna jumysqa turady.
