الماتىدا ٶتكەن «بٸلٸمگە نەگٸزدەلگەن اشك قالىپتاستىرۋ» فورۋمى بارىسىندا بٸلٸم سالاسىنىڭ ٶزگەرٸستەرٸ مەن جاڭالىقتارى تۋرالى ايتىلدى, دەپ حابارلايدى قازاقپارات تٸلشٸسٸ.
بٷگٸندە بۇل سالادا 23 عزي, 3 ۋنيۆەرسيتەت مامان دايارلايدى. الايدا, قر اۋىل شارۋاشىلىعى مينيسترٸ ٶمٸرزاق شٷكەەۆ بۇل مامانداردىڭ ساپاسى سىن كٶتەرمەيتٸنٸن ايتتى.
«عزي جٷيەسٸندە باسىمدىقتى تەجٸريبەگە, كوممەرتسييالاندىرۋعا بەرٸپ جاتىرمىز. عىلىمي جەتٸستٸكتەر جوق ەمەس, بٸراق تەحنولوگييالار ترانسفەرتٸ كەرەك. ٷش پوليگوندا تەستٸلەۋدٸ باستادىق. ەگەر بىلتىر عزي-لەردە باسقا شارۋاشىلىقتارعا قاراعاندا نەتيجە تٶمەن بولسا, قازٸر نەتيجە كٶتەرٸلدٸ. ول كەزدە ادامداردا سەنٸم بولماعان ەدٸ. ەندٸ بارلىق ٶڭٸرلەردە پوليگون اشامىز. جەكە قوجالىقتاردان تەمٸرحان مىڭايدارۇلى سيياقتى (دوسمۇحامبەتوۆ) ٸرٸكتەپ الىپ, ەكستەنشن بٸلٸمدٸ تاراتۋ بازاسىن قۇرامىز. عالىمداردى جىل سايىن جينايتىن بولامىز», - دەدٸ ٶمٸرزاق شٷكەەۆ.
ونىڭ ايتۋىنشا, قازٸر وقۋ ورىندارىنا بەرٸبٸر. دايىنداعان مامانى بەسەكەگە قابٸلەتتٸ مە, جوق پا - وعان وقۋ ورنى باس اۋىرتپايدى. اۋىل جاستارىنىڭ ٸشٸندە بەرٸ بٸردەي ۋنيۆەرسيتەتكە تٷسٸپ وتىرعان جوق. وقۋشىلار ۇبت تاپسىرا المايدى. بۇل - اۋىل شارۋاشىلىعى سالاسى ٷشٸن ٶتە ٷلكەن پروبلەما.
«ستۋدەنتتەردٸڭ 10-20%-ى ارتتا قالىپ كەلەدٸ. بۇل - ايقىن نەرسە. وسى ساندى ازايتىپ, ٷلگەرەتٸندەرمەن تەڭەستٸرۋ كەرەك. ال جاڭادان تٷسكەندەر عارىشكەرلەر سيياقتى قاتاڭ ٸرٸكتەۋدەن ٶتۋٸ تيٸس. ستۋدەنتتەردٸڭ ورتاڭعى ٶكٸلدەرٸ ٶزگەرٸستەرگە ازدى-كٶپتٸ بەيٸم», - دەدٸ مينيستر.
قازاق ۇلتتىق اگرارلىق ۋنيۆەرسيتەتٸنٸڭ رەكتورى تٸلەكتەس ەسبولوۆ حابارلاعانداي, 2023 جىلعا تامان اعىلشىن تٸلٸن بٸلەتٸن مۇعالٸمدەردٸڭ سانى - 2,5 ەسە, شاقىرىلعان پروفەسسورلار سانى - 3 ەسە, وقۋ اقىسى - 32%-عا ارتادى. جوو تابىسى - 2 ەسە, ۇستازداردىڭ جالاقى قورى 20 %-عا ارتادى.
سونىمەن قاتار, بٸلٸم بەرۋ باعدارلامالارى 35%-عا, جۇمىس ٸستەپ تۇرعان زەرتحانا سانى 30%-عا قىسقارادى.
«بٷگٸندە قازۇاۋ-دا 973 مۇعالٸم ساباق بەرەدٸ. وقۋ ۇجىمى اراسىندا بۇل تۋرالى ەڭگٸمە بولدى, ۇجىم وعان دايىن. مۇعالٸمدەردٸڭ سانى 30%-عا, 10 مىڭ ستۋدەنتتٸڭ سانى 30%-عا قىسقارادى. بوساعان گرانت ورىندارى باسقالارعا بٶلٸپ بەرٸلەدٸ. ەسەسٸنە بۇل جەردە ساپا بولادى», - دەدٸ رەكتور تٸلەكتەس ەسپولوۆ.
ال قىسقارتىلعان ۇستازدار ەكستەنشن جٷيەسٸمەن جەرگٸلٸكتٸ شارۋاشىلىق ورتالىقتارىنا جۇمىسقا تۇرادى.
