Aýyl sharýashylyǵy ministriniń mindetin atqarýshy Erbol Qarashókeev «Qazaqstan temir joly» ulttyq kompaniiasynyń basshysy Nurlan Saýranbaevpen telefon arqyly sóilesip, Túrkistan oblysyndaǵy belsendiler jinaǵan shópti Mańǵystaýǵa tegin jetkizýge kómektesýin surady, dep habarlaidy "Ult aqparat".
Bul týraly Aýyl sharýashylyǵy ministrliginiń resmi saitynda jariialandy.
«Aýyl sharýashylyǵy ministriniń mindetin atqarýshy Erbol Qarashókeev «Qazaqstan Temir Joly» ulttyq kompaniiasynyń basshysy Nurlan Saýranbaevpen telefon arqyly sóilesti. Áńgime barysynda Erbol Qarashókeev Túrkistan oblysynyń belsendi turǵyndary jinaǵan jem-shópti tegin ári jedel jetkizip berýge kómektesýin surady. Ulttyq tasymaldaýshy kompaniianyń basshysy bul máseleni óz baqylaýyna alyp, kómek beretinin aitty», - dep jazylǵan resmi aqparatta.
Buǵan deiin shymkenttik Qurmet Talapqazynyń Mańǵystaýdaǵy maldy aýyldarǵa shóp jiberý týraly bastamasy el ishinde keńinen qoldaý tapqanyn jazǵan bolatynbyz.
Eriktiler jinaǵan shóptiń alǵashqy 5 vagony halyqtan jinalǵan aqshanyń kúshimen jetkizilse, temirjol tasymaldaýshylar taǵy 5 vagon shópti tegin jetkizgen bolatyn. Osylaisha búginge deiin Qurmet Talapqazy bastaǵan eriktiler jutaǵan aýyldarǵa teńdei bólip berdi.
