اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ «قازاقستان تەمٸر جولى» ۇلتتىق كومپانيياسىنىڭ باسشىسى نۇرلان ساۋرانباەۆپەن تەلەفون ارقىلى سٶيلەسٸپ, تٷركٸستان وبلىسىنداعى بەلسەندٸلەر جيناعان شٶپتٸ ماڭعىستاۋعا تەگٸن جەتكٸزۋگە كٶمەكتەسۋٸن سۇرادى, دەپ حابارلايدى "ۇلت اقپارات".
بۇل تۋرالى اۋىل شارۋاشىلىعى مينيسترلٸگٸنٸڭ رەسمي سايتىندا جارييالاندى.
«اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ «قازاقستان تەمٸر جولى» ۇلتتىق كومپانيياسىنىڭ باسشىسى نۇرلان ساۋرانباەۆپەن تەلەفون ارقىلى سٶيلەستٸ. ەڭگٸمە بارىسىندا ەربول قاراشٶكەەۆ تٷركٸستان وبلىسىنىڭ بەلسەندٸ تۇرعىندارى جيناعان جەم-شٶپتٸ تەگٸن ەرٸ جەدەل جەتكٸزٸپ بەرۋگە كٶمەكتەسۋٸن سۇرادى. ۇلتتىق تاسىمالداۋشى كومپانييانىڭ باسشىسى بۇل مەسەلەنٸ ٶز باقىلاۋىنا الىپ, كٶمەك بەرەتٸنٸن ايتتى», - دەپ جازىلعان رەسمي اقپاراتتا.
بۇعان دەيٸن شىمكەنتتٸك قۇرمەت تالاپقازىنىڭ ماڭعىستاۋداعى مالدى اۋىلدارعا شٶپ جٸبەرۋ تۋرالى باستاماسى ەل ٸشٸندە كەڭٸنەن قولداۋ تاپقانىن جازعان بولاتىنبىز.
ەرٸكتٸلەر جيناعان شٶپتٸڭ العاشقى 5 ۆاگونى حالىقتان جينالعان اقشانىڭ كٷشٸمەن جەتكٸزٸلسە, تەمٸرجول تاسىمالداۋشىلار تاعى 5 ۆاگون شٶپتٸ تەگٸن جەتكٸزگەن بولاتىن. وسىلايشا بٷگٸنگە دەيٸن قۇرمەت تالاپقازى باستاعان ەرٸكتٸلەر جۇتاعان اۋىلدارعا تەڭدەي بٶلٸپ بەردٸ.
