Búgin elordada «Aýyl» partiiasy atynan prezidenttikke úmitker Tóleýtai Raqymbekovtyń de respýblikalyq qoǵamdyq shtabynda jiyn ótti, dep habarlaidy "Ult aqparat" partiianyń baspasóz qyzmetine silteme jasap.
Shtabqa partiianyń «Aýyl» HDPP tóraǵasy Áli Bektaev jetekshilik etedi. Shtabtyń negizgi mindeti – tiimdi sailaý kampaniiasyn uiymdastyrý jáne de úmitkerdiń sailaýaldy baǵdarlamasyn nasihattaý, túsindirý.
Prezidenttikke úmitker Tóleýtai Raqymbekovtyń respýblikalyq qoǵamdyq shtabyna belgili partiia músheleri, qoǵam qairatkerleri, jazýshylar jáne aýylsharýashylyǵy ǵylymynyń ókilderi kirip otyr. Elordada ótken jiynǵa Kópmaǵanbet Elemesov, Namazaly Omashuly, Aqjol Meiirbekov, Dáýletkerei Kápuly syndy ǵylym jáne óner salasynyń qairatkerleri qatysty. Qoǵamdyq shtabtyń resmi ashylý saltanatynda úgittik kezeńdegi josparlar pysyqtalyp, úgit-nasihat jumystarynyń basym baǵyttary aiqyndaldy.
«Odan keiin bir erekshe oryn ol alatyn jeke kezdesýler. Mysaly óńirlerdi aralap júrip, onyń ishinde tek aýyl, aýyl turǵyndarymen ǵana emes, qaladaǵy óndiris kásiporyndaryndaǵy, joǵarǵy bilim berý mekemeleriniń qyzmetkerlerimen, stýdentterimen kezdesip, osy «Aýyl» partiiasynyń ideialaryn nasihattaimyz dep oilaimyz», - deidi QR Prezidenttigine úmitker Tóleýtai Raqymbekov.
Baspasóz qyzmetiniń habarlaýynsha, Tóleýtai Raqymbekovtyń sailaýaldy shtabtary elimizdiń barlyq oblysynda qurylǵan. Sonyń aiasynda mobildi úgit toptary jumys jasaidy. Iaǵni, ondaǵy belsendiler jańa kandidattyń saiasi naýqan aldyndaǵy baǵdarlamalaryn nasihattaýǵa baǵyttalǵan is-sharalarǵa belsendi qatyspaq. Buǵan qosa, áleýmettik jelilerdi keńinen qoldanylý da kózdelip otyr. Óitkeni, sol arqyly qazir ártúrli usynys-tilekterdi jedel qabyldap, ýaqytyly jaýap qatýǵa bolady.
Qazir «Aýyl» partiiasy atynan saiasi naýqanǵa qatysatyn Tóleýtai Raqymbekovtyń aqparattyq-nasihat materialdary elimizdiń barlyq óńirindegi shtabtarǵa jetkizilgen. Búgingi keńeste úgit-nasihat toptarynyń árbir múshesine tapsyrmalar júktelip, alda atqarylatyn jumys jospary bekitildi.
