Jyl qorytyndylary jáne jańa jylǵa jańa mindetpen
Biyl elimiz úshin ataýly jyl – Qazaqstan Respýblikasynyń Táýelsizdik alǵanyna mereili 30 jyl toldy.
Osyndai merekeli jyly otbasymyz qýanyshqa kenelip, tula boiym tuńǵyshym Ádemini uzatyp, quda-jekjatty boldyq.
Aitýly merekemen qatar ulttyq qundylyqtarymyz ben salt-dástúrimizdi nasihattap kele jatqan "Ádemi-ai" kompaniiasyna – 20 jyl toldy. Kompaniiamyzdyń halyqqa usynar kádesyilary jańa tartymdy toptamalarmen tolyqty. Nur-Sultan jáne Almaty qalalarynda osy jańa toptamalardyń tusaýyn kesý saltanatyn ótkizdik. Taraz qalasynda kompaniiamyzdyń filialy ashyldy.
Taǵy bir mańyzdy is-shara "Qazaq qyzymyn" degen taqyryppen kitabym jaryqqa shyqty. Týyndy jalpy oqyrmanǵa arnalǵan motivatsiialyq esse retinde jazylǵan. Qazaqtyń salt-dástúrin nasihattaý úshin aýqymdy suhbattar berdim.
Osyndai azdy-kópti eńbegim memleket tarapynan elenip, Táýelsizdik qarsańynda Prezidentimiz Qasym-Jomart Toqaevtyń Jarlyǵymen Qazaqstan Respýblikasynyń Eńbek sińirgen qairatkeri qurmetti ataǵyna ie boldym. Bul marapat - men úshin úlken mártebe.
Atalǵan is-sharalarda jáne salt-dástúrimizdi keńinen nasihattaýǵa qoldaý kórsetip kele jatqan «Nur Otan» partiiasyna úlken alǵysymdy bildiremin. Al ózderińiz biletindei, men buǵan deiin «Aýyl» partiiasynyń múshesi boldym. Alaida halyqty bereke men birlikke bastaǵan bileýshi partiianyń ár azamatqa berer múmkinshiligi mol ekenine, naqty isterine kóz jetkizdim. Sondyqtan da «Nur Otan» partiiasyna múshe bolamyn dep sheshim qabyldadym.
Aldaǵy ýaqytta «Nur Otanmen» birge ulttyq qundylyqtarymyzdy ulyqtaýǵa arnalǵan mádeni is-sharalarda belsendilik tanytyp, jemisti eńbek atqaratynymyzǵa senimim mol.
Barlyǵymyz el múddesi men jarqyn bolashaq úshin qyzmet etip, ulttyq qundylyqtarymyzdy ulyqtap, álemge qazaqty azattyq súigish, rýhy biik, namysy berik halyq retinde tanyta bereiik! Bul - barshamyzdyń mindetimiz!
Bahargúl Tólegenqyzy
