«Aýyl» HDPP múshesi Anas Baqqojaev jaqtastarymen tiimsiz baǵdarlamalarǵa milliardtap qarajat bólgizýdi toqtatqaly otyr, dep habarlaidy "Ult aqparat".
«El amanaty» saýalnamasyn ótkizgen ýaqytta halyq aýyldaǵy aýyz sý máselesin, joldyń sapasyna qatysty shaǵymdaryn aityp jatyr. Bul máselelerdi sheshýdiń birneshe joly bar. Birinshiden, «Aýyl» partiiasy aýyldy aimaqtardy damytýdyń modelin usynady. Sonymen birge aýyl-aimaqtardy damytý boiynsha strategiialyq qujat daiyndaimyz. Esterińizde bolsa, 2004-2010 jyldary «Aýyl-aimaqtardy damytý baǵdarlamasy» iske asyrylǵan bolatyn. Sonyń sheńberinde aýyldardyń bárin de qujattap, ne bar, ne joǵy anyqtalǵan. Sońynan osy baǵytta tipti komitet qurylǵan edi. 2010 jyldan beri baǵdarlama umytylyp ketti. Komitet qazir joq. Osynyń bárine qalpyna keltirý kerek dep oilaimyz», - dedi Anas Baqqojaev OKQ-da ótken baspasóz máslihatynda.
Partiia múshesi aýyldarǵa biýdjetten qarajat bólinýi kerektigin málim etti.
«Aqsha tabý qiyn zaman desek te, biýdjette mundai múmkindik bar. Qazir tiimsiz, qoǵamǵa keregi joq baǵdarlama óte kóp. Bir fýtboldyń ózine keiingi 10 jyldyń ishinde 300 mlrd teńgege deiin demeýshilerden kómek kórsetilgen, Úkimet tarapynan aqsha bólinip jatyr. Sol qarajatqa kem degende 500 aýyldyń jaǵdaiyn jaqsartýǵa bolar edi. Sondyqtan partiia tiimsiz baǵdarlamalardy anyqtap, únemdelgen aqshany tek aýyldyń infraqurylymyn túzeýdi usynyp otyr», - dedi ol.
